Бэрээдэк Уопсастыба

Оскуолаҕа оҕону быһахтаатылар

Бэҕэһээ, муус устар 12 күнүгэр, Кэбээйи улууһун биир сэлиэнньэтигэр оскуолаҕа үөрэнээччини быһахтааһын түбэлтэтэ тахсыбыт.

Вера МАКАРОВА, «Саха сирэ» хаһыат, edersaas.ru


Улуус кииниттэн 90 км ыраах сытар нэһилиэк эмтиир пуунуттан быһаҕынан анньыллыбыт оҕо туһунан иһитиннэрии полицияҕа күнүс 13.30 мүн. саҕана киирбит. Биэлсэр биллэрбитинэн, 10 кылаас үөрэнээччитэ моонньугар хаҥас өттүнэн быһаҕынан анньыллыбыт, киниэхэ суһал көмө оҥоһуллубут.

Барыллаан быһаарыынан, оскуолаҕа перемена кэмигэр 19 саастаах уол итирик кэлэн, оҕону быһаҕынан анньыбыт. Быһаҕы үлэ уруогун кэбиниэтиттэн ылбыт.

Эмсэҕэлээбит уол доруобуйатын туруга билигин ортоһуор. Толору ыалга иитиллэр, ханна да учуокка турбат оҕо эбит.

Полиция процессуальнай бэрэбиэркэ кэмигэр кэккэ боппуруостары быһаарыаҕа, ол иһигэр, оскуолаҕа итирик киһини тоҕо киллэрбиттэрин эмиэ.

Бу туһунан СӨ ИДьМ-тын пресс-сулууспата иһитиннэрдэ.

Вера МАКАРОВА, «Саха сирэ» хаһыат, edersaas.ru

Хаартыска: интэриниэттэн ылылынна.

2
2
Telegram @edersaas20

Оскуолаҕа оҕону быһахтаатылар

  1. төбөтүттэн имэрийэн баран ыытыахтара буоллаҕа билигин оҕо бырааба мээнэ буолбут оннооҕор үөрэҕэ суох алкоголиктары оскуолаҕа ыла ыла оҕолору кырбаттараллар өссө онно оҕо буруйдаах кырбана кырбана туруохтаах үһү!

Добавить комментарий