Оскуолаҕа итии аһылыгы хааччыйыы туһунан санааҕын суруйуоххун сөп...
Олох-дьаһах - Саха ыала

Оскуолаҕа итии аһылыгы хааччыйыы туһунан санааҕын суруйуоххун сөп

Биллэрин курдук, балаҕан ыйыттан алын кылаас оҕолоро бары итии, босхо аһылыгынан хааччыллыбыттара. Төрөппүттэр судаарыстыбаннай өҥө порталыгар итии аһылык хаачыстыбатын туһунан санааларын суруйуохтарын сөп буолла.

edersaas.ru

Дойду үрдүнэн 6,8 мөлүйүөн, Саха сиригэр 62 тыһыынчаттан тахса алын кылаас үөрэнээччитэ босхо аһылыгынан хааччыллыахтаах. Бэҕэһээҥҥиттэн судаарыстыбаннай өҥө порталыгар (Госуслуги) оскуолаларга итии аһылыгы хааччыйыы хайдаҕын туһунан төрөппүттэр санааларын, этиилэрин, үҥсүүлэрин суруйар кыахтара үөскээтэ. “Судаарыстыбаннай өҥө порталын саҥа өҥөтө, төрөппүттэр маассабайдык уонна судургутук сибээстэһэллэригэр кыаҕы үөскэтэр. Маннык кэтээн көрүү ханна туох кыһалҕа баарын быһаарарга уонна сөптөөх миэрэни ылан туоратарга көмөлөһүөҕэ”, — диэн дойду үөрэҕириигэ миниистирэ Сергей Кравцов бэлиэтиир. Маныаха төрөппүттэр порталга хардарыта сибээс (обратная связь) анал форматын толороллоро ирдэнэр. Сайаапка ыыппыт киһиэхэ хардата тус кэбиниэтигэр (личный кабинет), ону тэҥэ электроннай аадырыһыгар 15 күн иһинэн кэлиэҕэ диэн суруйаллар.

Санатан эттэххэ, бу иннинэ быһа сибээс линиятынан менюну оҥорууга төрөппүттэртэн этиилэри хомуйбуттара. Тустаах линия билигин даҕаны үлэлиир. Онон оскуолаҕа аһылык хааччыллыытын уопсастыба, төрөппүт хонтуруоллууругар кыах үөскээтэ.

 

Людмила ПОПОВА, “Саха сирэ” хаһыат, edersaas.ru

Хаартыска: Казинформ.

1
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

9 + 14 =