Ольга Балабкина: «ОРВИ-нан ыалдьыбыт киһи дьиэҕэ олоруохтаах»

Алтынньы 14 күнүгэр бырабыыталыстыба бэрэссэдээтэлин солбуйааччы Ольга Балабкина быһа эпииргэ  өрөспүүбүлүкэҕэ уопсай балаһыанньаны билиһиннэрдэ.

Ол курдук, өрөспүүбүлүкэ үрдүнэн балаһыанньа уустугун, бүтэһик сууккаҕа 127 киһи коронавирус дьаҥар сутуллубутун иһитиннэрдэ.  Дьокуускайга 81 киһи дьаҥҥа сутуллубут, Ньурбаҕа — 6, Мииринэйгэ — 5, Алдаҥҥа, Мэҥэ Хаҥаласка, Кэбээйигэ, Усуйаанаҕа — 4-түү киһи, Томпоҕо, Анаабырга үстүү киһи ыалдьыбыт.

Бүтэһик сууккаҕа өрөспүүбүлүкэ үрдүнэн 5390 анаалыс оҥоһуллубут. Ольга Валерьевна Ил Дархан бэҕэһээҥҥи ыйааҕын бэлиэтээтэ, ол курдук, ОРВИ, кириип дьаҥнаабыт киһи дьиэҕэ олорорун туһунан уонна анаалыһа билиннэҕинэ эрэ, дьаҥ суоҕа чопчуланнаҕына үлэтигэр тахсарын туһунан эппит.

Сааскы курдук бүтүннүү сабан кэбиһэр уустугун эттэ, онон хас биирдии киһи эппиэтинэһи сүгэрэ ирдэнэрин бэлиэтээтэ.

Ульяна Захарова, «Саха сирэ» хаһыат, edersaas.ru