Өрөспүүбүлүкэ үрдүнэн, уопсайа, 48 орто үөрэх тэрилтэтэ баарыттан, үһэ — судаарыстыбаннайа суох. Бу тэрилтэлэргэ 6422 бүддьүөт, ону таһынан, сыллата 2500 төлөбүрдээх миэстэҕэ устудьуоннары ылаллар. “Саха сирэ” хаһыат быйыл орто үөрэххэ туттарсар абитуриеннарга анаан “төгүрүк остуолу” тэрийэн ыытта.
edersaas.ru
Тэрээһиҥҥэ СӨ үөрэҕин уонна наукатын миниистирин солбуйааччы Ньюргуна Соколова, СӨ үөрэҕин уонна наукатын министиэристибэтин эрэгийиэннээҕи үөрэххэ тутар хампаанньатын координатора Анжелика Игнатьева, учууталлар, үөрэнээччилэр кытыннылар. “Төгүрүк остуол” иитинэн орто үөрэххэ туттарсыыга быйыл туох уларыйыылар киирбиттэрин, ханнык саҥа идэлэр аһыллалларын, о.д.а. туһалаах сүбэлэри биэрдилэр. Ньюргуна Соколова иһитиннэрбитинэн, 2019-2020 үөрэх дьылыгар докумуоннары тутуу бэс ыйын 20 күнүттэн саҕаланыаҕа.
Кэпсэтиини сиһилии “Саха сирэ” хаһыат бэс ыйын 21 күнүнээҕи нүөмэригэр ааҕаарыҥ. Ону таһынан, ыйыллыбыт ссылканан киирэн Саха информационнай агентство (ЯСИА-ТВ) порталыгар көрүөххүтүн сөп.
https://ysia.ru/onlajn-kruglyj-stol-abiturient-ssuz-2019/
Людмила ПОПОВА, “Саха сирэ” хаһыат, edersaas.ru