Саха сиригэр, уопсайа, 48 орто үөрэх тэрилтэтэ баар. Абитуриеннарга табыгастаах буоллун диэн, улуустарга үлэлиир үөрэх тэрилтэлэрэ номнуо хаһыс даҕаны сылын Дьокуускай куоракка кэлэн бары биир сиргэ докумуон туталлар. Быйыл киин тутар хамыыһыйа К.О. Гаврилов аатынан Дьокуускайдааҕы потребительскай кооперация атыы-эргиэн экэнэмиичэскэй кэллиэһигэр үлэлиэҕэ.
edersaas.ru
Быйыл киин тутар хамыыһыйа от ыйын 25 күнүттэн атырдьах ыйын 23 күнүгэр диэри үлэлиэҕэ диэн СӨ Үөрэҕин уонна наукатын министиэристибэтэ иһитиннэрэр. 45 судаарыстыбаннай кэллиэстэн, тиэхиньикумтан 20 тэрилтэ кыттыаҕа. Онон абитуриеннары К.О.Гаврилов аатынан Дьокуускайдааҕы потребительскай кооперация атыы-эргиэн экэнэмиичэскэй кэллиэһигэр (Ленин проспегын 50 №-дээх дьиэтэ) күүтэллэр.
Ыйыллыбыт аадырыска бу үөрэх тэрилтэлэригэр докумуоҥҥутун туттарыаххытын сөп:
- Алданнааҕы политиэхиньиичэскэй тиэхиньикум (Алдан улууһа)
- Үөһээ Бүлүү тиэхиньукума (Үөһээ Бүлүү улууһа)
- Бүлүү тиэхиньикума (Бүлүү улууһа)
- Тырааныспар тиэхиньикума (Мэҥэ Хаҥалас улууһа)
- Миринэйдээҕи региональнай тиэхиньиичэскэй тиэхиньикум (Мирнэй улууһа)
- Светлинскэйдээҕи индустриальнай тиэхиньикум (Мирнэй улууһа)
- Намнааҕы тиэхиньикум (Нам улууһа)
- Нерюнгритээҕи медицинскэй кэллиэс (Нерюнгри улууһа)
- Ньурбатааҕы тиэхиньикум (Ньурба улууһа)
- Н.Е.Мординов-Амма Аччыгыйын аатынан Харбалаахтааҕы үөрэх комплекса (Таатта улууһа)
- Хайа геологическай тиэхиньикума (Томпо улууһа)
- Уус Алдан тиэхиньикума (Уус Алдан улууһа)
- Покровскай кэллиэһэ (Хаҥалас улууһа)
- Аграрнай тиэхиньикум (Чурапчы улууһа)
- Чурапчы кэллиэһэ (Чурапчы улууһа)
- Жатай тиэхиньикума (Жатай бөһүөлэгэ)
- Дьокуускайдааҕы коммунальнай-тутуу тиэхиньикума (Дьокуускай куорат)
- К.О.Гаврилов аатынан Дьокуускайдааҕы потребительскай кооперация атыы-эргиэн экэнэмиичэскэй кэллиэһэ (Дьокуускай куорат)
- Дьокуускайдааҕы бырамыысыланнас тиэхиньикума (Дьокуускай куорат)
- Дьокуускайдааҕы уу тырааныспарын тиэхиньикума (Дьокуускай куорат).
Ыйыллыбыт испииһэктэн ураты орто анал үөрэх тэрилтиэлэрэ докумуоннары бэйэлэрэ үлэлиир сирдэригэр туталлар.
“Саха сирэ” хаһыат, edersaas.ru
Артемий ГРОШЕВ (СИА) хаартыскаҕа түһэриитэ.
+1
+1
+1
+1
+1
+1
+1