Саха сиринээҕи орто анал үөрэхтэр тэрилтэлэригэр докумуоннары тутуу бэс ыйын 20 күнүттэн саҕаланна. 2018-2019 үөрэх дьылыгар 6732 миэстэҕэ устудьуоннары ылыы былааннанар. Ити туһунан СӨ Үөрэҕин уонна наукатын министиэристибэтэ иһитиннэрэр.
Ол курдук, 11 кылаас кэнниттэн туттарсааччыларга 3307, 9-с кылаас кэнниттэн туттарсааччыларга 3115 миэстэ көрүллүбүт. Бэлиэтээн эттэххэ, ити ааспыт үөрэх дьылынааҕар 332-нэн элбэх миэстэ эбит. Бастатан туран, орто үөрэххэ киириэн баҕалаах дьон ахсаана эбиллэн иһэриттэн итиэннэ ырыынак ирдэбилиттэн көрөн, сыллата саҥа миэстэни таһааралларыттан тутулуктаах. Ол курдук, саҥа үөрэх дьылыгар 9 саҥа идэни уонна исписээлинэһи арыйаллара биллэр. Манна даҕатан эттэххэ, 2026 сылга диэри улахан Инвестиционнай бырайыактары олоххо киллэриигэр 30 000 саҥа оробуочай миэстэни таһаарары былаанныыллар. Ити кэлии оробуочай күүһү уонна өрөспүүбүлүкэ тас өттүттэн кэлэн үлэлиир дьону аахсыбакка туран.
Ханнык саҥа идэлэр уонна исписээлинэстэр арыллалларый? Үөрэххэ туттарсааччыларга дэбигис өйдөнөрүн курдук, тылбаастаабакка, хайдах баарынан бэчээттиибит.
- 08.01.06 Мастер сухого строительства;
- 08.01.17 Электромонтажник-наладчик;
- 15.01.13 Монтажник технологического оборудования (по видам оборудования);
- 15.02.07 Автоматизация технологических процессов и производств (по отраслям);
- 18.01.27 Машинист технологических насосов и компрессоров;
- 21.01.16 Обогатитель полезных ископаемых;
- 21.02.13 Геологическая съемка, поиски и разведка месторождений полезных ископаемых;
- 26.02.01 Эксплуатация внутренних водных путей;
- 29.02.08 Технология обработки алмазов.
Үөрэххэ тутуу кэмигэр төлөпүөнүнэн «быһа сибээс» үлэлиир: 8(4112)50-60-44. Төрөппүттэр, устудьуоннар ыйыллыбыт нүөмэринэн ыйытыыларгытын биэриэххитин эбэтэр СӨ Үөрэҕин уонна наукатын министиэристибэтин саайтыттан https://minobr.sakha.gov.ru/ билсиэххитин сөп.