Орто үөрэхтэр — олунньуттан, үрдүк үөрэхтэр — кулун тутартан

Ааптар: 
Бөлөххө киир:

Тохсунньу түмүгүнэн үөрэнээччилэр, үөрэх үлэһиттэрин ортолоругар ыарыы аҕыйааһына бэлиэтэнэрин, бу өрөспүүбүлүкэҕэ хамсык балаһыанньата тупсуутун уонна быһыыны маассабайдык туруорууну кытта сибээстээҕин, СӨ Бырабыыталыстыбатын Бэрэссэдээтэлин солбуйааччы Сергей Местников бүгүҥҥү брифинг кэмигэр иһитиннэрдэ.

edersaas.ru

Оскуола иннинээҕи үөрэхтээһин тэрилтэлэрэ бары сүүс бырыһыан үлэлии туралларын эттэ.

Өрөспүүбүлүкэ үгүс улуустарыгар тымныы күннэр тураннар, оҕолор ыраахтан олорон (дистанционно) үөрэммиттэрэ. Олунньуга халлаан арыый да сылыйан, олоҕурбут көрүҥүнэн үөрэниэхтэрэ диэн эттэ. Билиҥҥитэ оҕолор улахан аҥаардара “смешаннай” көрүҥүнэн, сорох оскуолалар ыраахтан олорон (дистанционно), сорох оскуолалар олоҕурбут (очно) көрүҥүнэн үлэлииллэрин туһунан иһитиннэрдэ.

Сергей Местников:Дойду орто анал, үрдүк үөрэҕин тэрилтэлэрин устудьуоннарын сыыйа олоҕурбут көрүҥҥэ (очно) көһөрөр туһунан докумуону бэлэмнии сылдьаллар. Өрөспүүбүлүкэ орто анал үөрэҕин тэрилтэлэрин олунньу ортотуттан, үрдүк үөрэҕин устудьуоннарын кулун тутартан үөрэтэр былаан баар”, — диэн эттэ. Маныаха бэйэни харыстанар миэрэлэри тутуһар булгуччулааҕын ыйда.

 

“Саха сирэ” хаһыат, edersaas.ru

Хаартыска: Андрей СОРОКИН (СИА).

+1
0
+1
0
+1
0
+1
0
+1
0
+1
0
+1
0