Быйыл өрөспүүбүлүкэ орто анал үөрэҕин тэрилтэлэрэ бэс ыйын 20 күнүттэн докумуону тутан саҕалыахтара. Барыта 6422 бүддьүөт миэстэтэ көрүллүбүт, 11 саҥа идэ аһыллыаҕа.
СӨ Билимҥэ, идэҕэ бэлэмнээһиҥҥэ уонна тус сыаллаах үөрэтиигэ судаарыстыбаннай бэлиитикэ департаменын салайааччыта Иннокентий Оконешников иһитиннэрбитинэн, бүддьүөттэн 6422 миэстэ көрүллүбүт. Итинтэн СӨ Үөрэҕин уонна билимин министиэристибэтигэр – 6 098, СӨ Култуураҕа уонна духуобунай сайдыыга министиэристибэтигэр – 224, СӨ Физическэй култуураҕа уонна успуорка министиэристибэтигэр – 40 миэстэ. Ол курдук, 11-с кылаас кэнниттэн 3351 миэстэ, 9-с кылаас кэнниттэн 2971, кэтэхтэн көрүҥҥэ 100 миэстэ тыырыллыбыт.
Үлэ ырыынагар ирдэниигэ сөп түбэһиннэрэр инниттэн, каадыры бэлэмниир соруктаах Саха сиринээҕи “2020-2024 сылларга СӨ үөрэҕи сайыннарыы уонна 2026 сылга диэри былааннаах көрүү” судаарыстыбаннай бырагыраама иитинэн көрүллүбүт үбүлээһиҥҥэ олоҕуран, быйыл 11 саҥа исписээлинэһи, идэни аһыахтара:
— 09.02.01 Компьютерные системы и комплексы;
— 13.02.05 Технология воды, топлива и смазочных материалов на электрических станциях;
— 13.02.06 Релейная защита и автоматизация электроэнергетических систем;
— 15.01.13 Монтажник технологического оборудования (по видам оборудования);
— 18.02.12 Технология аналитического контроля химических соединений;
— 35.01.14 Мастер по техническому обслуживанию и ремонту машинно-тракторного парка;
— 43.01.04 Повар судовой;
— 55.02.02 Анимация (по видам);
— 49.02.03 Спорт;
— 43.02.05 Флористика;
— 53.02.02 Музыкальное искусство эстрады (по видам).
Людмила ПОПОВА, “Саха сирэ” хаһыат, edersaas.ru
Хаартыска: Мария ВАСИЛЬЕВА (СИА).