Орто Наахара баһылыга бырабыыталыстыба отчуотун саҥа көрүҥүн көдьүүстээҕин бэлиэтээтэ
Ленскэй оройуонун Орто Наахара нэһилиэгин баһылыга Евгений Саморцев Ил Дархан Айсен Николаев хамаандата аһаҕаһын уонна түмсүүлээҕин бэлиэтээтэ диэн улусмедиа.ру суруйар. Кини бырабыыталыстыба аһаҕас буолуу суолун тутуспутун уонна өрөспүүбүлүкэ бары олохтоохторун санааларын истэргэ бэлэмин бэлиэтээтэ.
edersaas.ru
Саха сирин бырабыыталыстыбатын аһаҕас эфиринэн отчуота биэдэмистибэлэр уонна миниистирдэр кэбиниэттэрэ Айсен Николаев туруорбут сүрүн сыалын толорууга түмсүүлээхтик үлэлииллэрин көрдөрдө диэн Орто Наахара баһылыга биһирээтэ.
“Отчуокка 2024 сылга өрөспүүбүлүкэ олохтоохторун дьадайыыларын таһымын көрдөрүүтүн 10 бырыһыаҥҥа диэри аччатарга чопчу соруктар туруорулуннулар, ону тэҥэ Бүлүү умнаһынааҕы улуустар, Алдан оройуонун экологияларыгар, дьиэ-уот хомунаалынай хаһаайыстыбатыгар, ыччат бэлиитикэтигэр сыһыаннаах ыйытыыларга толору хоруйу биэрдилэр. Олохтоохтор үгүс ыйытыыларыгар быһа эфиргэ тутатына тустаах министиэристибэлэргэ сорудахтар бэриллибиттэрэ хайҕаллаах, — диир Евгений Саморцев. – Бырамыысыланнас оройуоннарын олохтоохторугар олохтоох каадырдары бырамыысыланнас тэрилтэлэригэр үлэлэтии сытыытык турар. Этиллибит эрэннэриилэр туолуохтара дии саныыбыт”.
Саха Өрөспүүбүлүкэтин Ил Дарханын уонна Саха Өрөспүүбүлүкэтин бырабыыталыстыбатын пресс-сулууспата