Орто Халыма улууһугар быыбардааччыта испииһэгинэн 5256 киһи. Быйыл 18 саастарын туолбут 43 ыччат аан бастакыларын куоластыыллар. Бу туһунан биһиэхэ улуус баһылыгын солбуйааччы, быыбар хамыыһыйатын бэрэссэдээтэлэ Анна Петровна Попова иһитиннэрдэ.
—Улууска 15.00 чаастааҕы туругунан, барыта 2873 киһи куолаһын биэрдэ. Ол эбэтэр 54,7 %. Күүтүүлээх, долгутуулаах күнүнэн уопсастыбаннас көхтөөх кыттыытынан быыстапка-дьаарбаҥкалар олус сэргэхтик ыытылла тураллар. Манна олохтоох бэйэ оҥорон таһаарар аһа-үөлэ, уран тарбахтаахтар оҥоһуктара атыыланаллар. Маны сэргэ, «Мин аан бастакыбын куоластыыбын» диэн ыччат акцията тэриллэр. Дьон-сэргэ бу долгуйа күүппүт күннэрин ураты сэргэх, умнуллубат күн диэн бэлиэтээтилэр.
Сардаана БАСНАЕВА, «Саха сирэ» хаһыат, edersaas.ru
+1
+1
+1
+1
+1
+1
+1