Хоруона хамсыгын хам баттыырга, дьаҥы тарҕаппат туһугар ханна да урбаанньыттар, нэһилиэк олохтоохторо бу сааскыттан кыахтара тиийэринэн көмөлөһө сатыыллар.
Орто Халыма улууһун урбаанньыттара коронавирус инфекциятын утары охсуһарга, дьаҥы хам баттыырга быйыл саас пандемия саҕаланыаҕыттан, улуустарыгар тиһиктээхтик көмөлөһөллөр, мэдиссиинэ үлэһиттэрин кытары сибээһи туталлар диэн СӨ Урбаан, атыы-эргиэн, туризм министиэристибэтин пресс-сулууспата иһитиннэрэр.
Урбаанньыттар Николай Данилов уонна Вячеслав Волков итинтэн туора турбаттар. Оройуон балыыһатыгар уонна мэдиссиинэ үлэһиттэригэр көмөлөһөн, Орто Халыма киин балыыһатын ковиды утары охсуһар отделениетыгар, ыарыһахтарга аһы тиэрдэргэ биирдэ туттуллар контейнердары биэрдилэр.
—Куруук көмөлөһөр, өйөбүл буолар дьоммутугар, меценаттарга, ис сүрэхпититтэн махтанабыт. Эһиэхэ тус бэйэҕитигэр уонна чугас дьоҥҥутугар чэгиэн доруобуйаны баҕарабыт«, — диэн оройуон олохтоохторо махталларын тиэрдэллэр.