Бу соторутааҕыта Орто Халыма куорат кытыытыгар аҕам саастаах киһиэхэ оҕолордоох тыатааҕы саба түспүтэ. Бу киһи тыыннаах хаалар дьолугар, чугас дьон баар буолан кыыл кыраҕыйбыта.
Сарсыҥҥы күнүгэр булчуттар киһини эчэппит тыатааҕыны бултаары көрдөөбүттэр даҕаны, булбатахтара.
Бэг, атырдьах ыйын 19 күнүгэр, эмсэҕэлээбит аҕам саастаах Третьяков кэргэнин сиэн быраата Иван Белоногов иһитиннэрбитинэн, тыатааҕы куорат сыбаалкатыгар киирбит. Иван үһүө буолан дьоҥҥо-сэргэҕэ кутталынан суоһаабыт тыатааҕыны бултаһа тахсыбыттар.
Сыбаалка куораттан 4-5 км тэйиччи эбит. Сир аһын үгэнин саҕана куораттан чугас тыатааҕы киириитэ сэрэхтээх. Үһүө буолан аарыма тыатааҕыны бултаабыттар. Ол эрээри: «Бу атын тыатааҕы, киһиэхэ саба түспүт тыатааҕы буолбатах», — диэн Иван этэр. Ааспыттааҥҥы тыатааҕы оҕолордооҕо диир кини.
Эмсэҕэлээбит Митрофан Третьяков бэттэх кэлэн эрэр диэн сиэн быраата Иван сырдатар.
Ульяна Захарова.
Иван Белоногов хаартыскаҕа түһэриитэ.
Сүрүн хаартыска — интэриниэттэн.