Орто Халыма бэтэринээрдэрэ “Эрэл” кэпэрэтиип сүөһүтүн көрдүлэр-иһиттилэр

Бүтүн Арассыыйатааҕы тыа хаһаайыстыбатын дьоҕус биэрэпиһин уонна кыстыкка бэлэмнэнии чэрчитинэн исписэлиистэр хаһаайыстыбаларга сылдьаллар.

Орто Халыма улууһун бэтэринээрийэҕэ управлениетын начальнига Николай Новосельцев уонна тыа хаһаайыстыбатын улуустааҕы управлениетын начальнига Мария Шарина Байды нэһилиэгин баһылыга Аркадий Бубякины кытары «Эрэл» кэпэрэтиип үлэтин-хамнаһын билистилэр, сүөһүтүн көрдүлэр-иһиттилэр, аахтылар.

Исписэлиистэр сүөһү туругун ортонон сыаналаатылар. Кэпэрэтиип барыта 51 ынах сүөһүлээх. Хотон кыстыгы көрсө ыраастаммыт, салгылатыллыбыт, сөргүтүллүбүт.  Кэпэрэтиип 100 туонна оту бэлэмниир былаанын толорорго эрэллээх.

Раиса Сибирякова, «Саха сирэ», edersaas.ru