«Орто дойду» зоопаркаҕа кыһыннара хайдах саҕаланна?
Алтынньы ый зоопаркаҕа, үгэс курдук, кыһыҥҥыга көһүү ыйынан биллэриллэр. Сорох кыыл вольерыгар хаалар, оттон сорохторо кыстыктарыгар көһөллөр. Оттон сорох кыылга-сүөлгэ, кыһынны бу аан бастаан көрсүүлэрэ , — диэн бэлиэтиир СИА.
Кыстыыр сирдэригэр аан бастакынан, сылааһы таптыыр попугайдар, павлиннар, фазаннар көһөрүллүбүттэр. Боруллуолар (беркуттар), ала хотойдор (орлан) о.д.а. сылаас дьиэлэригэр көһөөрү бэлэмнэнэллэр.
Былырыын Ньурбаҕа быыһаабыт Марха фламинголара, кыһыны этэҥҥэ аһарбыт уонна биллэ улааппыт диэн СИА суруйар. Өссө да кырасыабай оруосабай өҥнөнө илигин иһин, сайын устатыгар наһаа нарын куорсуннар баар буолуталаабыттар. Оттон өҥүн ыларыгар, аһылыга улахан оруоллаах эбит.
Оттон үрүҥ эһэлэр вольердарыгар хайдахтаах көрүлүүллэрий?! Кинилэргэ быйылгы хаар икки бүк үөрүүнү аҕалла. Бастакы хаары кытары опекуннар — «Роснефть» хампаанньа» оонньуурдардаах баһыылката кинилэргэ кэллэ диэн бэлиэтэнэр.
Оттон тэбиэн ханна кыстыыр эбитий? Зоопарк сыала-соруга туохха туһуланарый? Коронавирус дьаҥа «Орто дойду» үлэтигэр хайдах дьайбытый? Билигин хайдах үлэлииллэрий? Бу тһунан сиһилии СИА, sakha.gov.ru киирэн көрүөххүтүн сөп.
+1
+1
+1
+1
+1
+1
+1