Саха сиригэр 45 орто үөрэх тэрилтэтэ баар. Уопсайа, 23 тыһыынчаттан тахса устудьуон үөрэнэр. Бары үөрэх дьыла хайдах саҕаланарын кэтииллэр.
Орто анал үөрэх тэрилтэлэрин устудьуоннарын очнай-дистанционнай ньыманан үөрэтэр былааннаахтар. “Роспотребнадзор сүбэлээбит ыйыылара бааллар. Бастакытынан, социальнай дистанция. Орто анал үөрэх тэрилтэлэригэр бөлөххө быһа холоон 25-30 киһи үөрэнэр. Аудиториялар болуоссаттара 40, иһэ үллүбүтэ 50 кв.м. тэҥнэһэр. Социальнай дистанцияны тутуһар инниттэн бөлөх (группа) оҕолорун хос бөлөххө (подгруппа) араарга күһэллэбит. Бастакы хос бөлөх миэстэтигэр тиийэн үөрэнэр кэмигэр, иккис хос бөлөх дьиэтигэр олорор. Ол оннугар сарсыныгар иккис хос бөлөх тиийэн үөрэнэр”, — диэн СӨ үөрэҕин уонна наукатын миниистирэ Михаил Сивцев быһаарда. Онон дистанционнай ньыма эмиэ туһаныллар.
Манна даҕатан эттэххэ, өрөспүүбүлүкэҕэ үлэлии олорор үрдүк үөрэхтэр – федеральнайдар, РФ Үрдүк үөрэххэ уонна наукаҕа министиэристибэтинэн сирдэтинэллэр. Баларга үөрэх хайдах таҥыллыан бу күннэргэ быһаарыахтара диэн этиллибитэ.
Людмила ПОПОВА, “Саха сирэ” хаһыат, edersaas.ru