Миниистир социальнай ситимнэринэн үөрэх атын тиэмэлэрин сэргэ, орто анал үөрэхтэргэ сыһыаннаах ыйытыыларга эмиэ хоруйдаата. Маныаха кини орто үөрэххэ эмиэ араас ньыманы (модель) туһанан үлэлииллэригэр сүбэлииллэрин эттэ. Уопсайынан, үөрэх балаҕан ыйын 1 күнүттэн саҕаланар диэн иһитиннэрдэ.
“Бастатан туран, үөрэх тэрилтэлэригэр устудьуоннар балаҕан ыйын 1 күнүттэн очно үөрэнэ кэлиэхтээхтэр. Ол эрээри, өскөтүн оҕолор олорор уопсайдара бэлэмэ суох, сабыылаах эбэтэр обсерватор быһыытынан туһаныллар буоллаҕына, бу үөрэх кыһатын устудьуоннара олорор услуобуйалара суох түгэнигэр дистанционно үөрэниэхтэрэ”, — диэн СӨ үөрэҕин уонна наукатын миниистирэ Михаил Сивцев быһаарда.
Уопсайдар обсерватор быһыытынан эбэтэр быстах кэмҥэ олорууга туһаныллыбыттара. Устудьуоннар олороллоругар анаан уопсайдар улахан аҥаардарын бэлэмнээбиттэр. Сорох уопсайдары обсерваторга туһанар былааннаахтар эбит. Баларга үөрэх дистанционнай ньыманы туһанан ыытыллыаҕа диэн миниистир эттэ. Ону тэҥэ, үөрэх кыраапыга халбаҥнаан биэриэн сөбүн ыйар. Балаҕан ыйыгар-алтынньыга (таһырдьа сылаас кэмҥэ) устудьуоннар быраактыкаларын тэрийэри былаанныыбыт (ол иһигэр олорор сирдэринэн) диэтэ.
Людмила ПОПОВА, “Саха сирэ” хаһыат, edersaas.ru