Бүгүн, муус устар 22 күнүгэр, СӨ бырабыыталыстыбатын мунньаҕар орто анал үөрэх тэрилтэлэригэр истиэпиэндьийэ пуондатын индексациялааһын туһунан боппуруоһу көрдүлэр.
2020 сыл балаҕан ыйын 1 күнүттэн судаарыстыбаннай академическай истипиэндьийэ базовай чааһа 3,0% үрдээн, 1015 солкуобайынан олохтоммута.
Оттон 2021 сыл балаҕан ыйын 1 күнүттэн судаарыстыбаннай академическай истипиэндьийэ 3,5 % үрдээн, 1050 солкуобайга тэҥнэһиэҕэ.
Судаарыстыбаннай академическай истипиэндьийэ кээмэйэ хотугу эргимтэҕэ диэри оройуоннааҕы коэффициены ааҕан туран 1 726 солк., хотугу эргимтэҕэ сытар улуустарга оройуоннааҕы коэффициены ааҕан туран 2 030 солк. тэҥнэһэр.
Оттон балаҕан ыйын 1 күнүттэн судаарыстыбаннай академическай истипиэндьийэ кээмэйэ 3,5 бырыһыан үрдээн хотугу эргимтэҕэ диэри — 1 786 солк. (оройуоннааҕы коэффициены учуоттаан туран), хотугу эргимтэҕэ сытар оройуоннарга — 2 101 солк. (оройуоннааҕы коэффициены учуоттаан туран) буолуоҕа.
СӨ Ил Дарханын уонна бырабыыталыстыбатын пресс-сулууспата
Хаартыска: http://sakha.gov.ru