Алаас аныгы хаһаайыттарын иитиигэ агрооскуолалар таһаарыылаахтык үлэлииллэр.
— Барыта 18 гектар бааһыналаахпыт, – диэн кэпсиир производственнай үөрэхтээһин маастара Тамара Степанова. – Ити иһиттэн аҕыс гектарга хортуоппуйу, гектар аҥардыытыгар хаппыыстаны, сүбүөкүлэни уонна моркуобу олордобут. Үүнүү куһаҕана суох, 12 туонна хортуоппуйу, 3 туонна моркуобу, 7 туонна сүбүөкүлэни хомуйдубут, хаппыыстабытын халлаан сылаас буолан, быһа иликпит, 6 туонна холкутук кэлиэ дэһэбит.
Ааспыт өрөбүлгэ «Аччыгый баһаарга» тэриллибит дьаарбаҥкаҕа агрооскуола үлэһиттэрэ сүүрбэлии куул хортуоппуйу, хаппыыстаны, уоннуу куул моркуобу уонна сүбүөкүлэни, ону таһынан аҕыйах дьааһык помидоры аҕалан батарбыттара.
Раиса Сибирякова.
+1
+1
+1
+1
+1
+1
+1