Сүрүн Уопсастыба Үөрэх уонна наука

“Орлёнокка” Горнай улууһун оҕолорун иcтиҥник көрүстүлэр

Атырдьах ыйын 10 күнүгэр Горнай улууһун Бэс Күөлэ сэлиэнньэтигэр баһаартан эмсэҕэлээбит дьиэ кэргэн оҕолоро Краснодарскай кыраай “Орлёнок” киин тохсус симиэнэтигэр сынньана тиийбиттэрэ.

edersaas.ru

Дойду араас муннугуттан мустубут 3400 оҕо үөрэх бырагыраамаларыгар уонна спорт, айар, турист, чинчийэр, инженер хайысхаларын бырайыактарыгар кыттыахтара.

“Эдэр аармыйа каадыра” медиасмена бырагыраамата, Силиэстибэннэй кэмитиэти кытта бииргэ тэриллибит “Эдэр силиэдэбэтэл”, Арассыыйа казначействотын кытта толкуйданан олоххо киирбит “Эдэр казначей”, Социальнай-культурнай көҕүлээһин фондата ыытар “Истиҥ сүрэх”, ону тэҥэ, инженернэй, спортивнай, үҥкүү, тыл уонна уопсай сайыннарар симиэнэлэр бааллар диэн саайтка суруллар.

Биһигини кытта Горнай улууһуттан тиийбит оҕолор санааларын үллэһиннилэр, кинилэри үөрэх-көтө, истиҥник көрсүбүттэр.

Саха сирин оҕолорун “Орлёнок” Бүтүн Арассыыйатааҕы оҕо киинин дириэктэрэ Александр Джеус бэйэтинэн көрсүбүт, кэпсэппит. Кини  “Орлёнок” көмөҕө наадыйар оҕолору өрүү өйүүргэ бэлэм диэн бэлиэтиир.

Кэлэр симиэнэҕэ Саха сирин оҕолорун эбии ылыахпыт. Кинилэр бары «Орлёнок» үөрэх авторскай бырагырамааларыгар кыттыахтара, сынньаныахтара, муораҕа сөтүөлүөхтэрэ, саҥа доҕордонуохтара уонна уустук балаһыанньыаҕа түбэспиттэриттэн аралдьыйыахтара. Оҕолор төрөөбүт дойдуларыгар үчүгэй настарыанньалаах уонна инникигэ эрэллээх төннөллөрүн туһугар кыахпыт баарынан көмөлөһүөхпүт”, — диэн кини эттэ.

Оҕолор үс нэдиэлэ устата уратытык (креативнай) толкуйдуурга, чөл олоххо сыстарга, үтүө дьыаланы оҥорорго үөрэниэхтэрэ, “Орлёнок” устуоруйатын уонна култууратын, космонавтика салаатыгар оҥоһуулары о.д.а. билсиэхтэрэ. Тохсус симиэнэ атырдьах ыйын 30 күнүгэр түмүктэнэр.

 

СӨ Үөрэҕин уонна наукатын министиэристибэтин саайтыттан.

2
1
Telegram @edersaas20