Алаҕар далбардара “Көмүс орфейы”  ыллылар!
Олох-дьаһах

Алаҕар далбардара “Көмүс орфейы”  ыллылар!

Чурапчы улууһун Чыаппара сэлиэнньэтин “Алаҕар далбардара” үҥкүүтүн ансаамбыла соторутааҕыта Болгарияҕа “Евро Фолк-2018” Норуоттар икки ардыларынааҕы фольклорнай бэстибээлгэ кыттан, I истиэпэннээх лауреат буолла — “Көмүс орфей” I бириэмийэтин  ылары ситистэ!

Ордук үөрүүлээҕэ баар – бу үрдүк наҕарааданы кинилэр Фольклорнай бэстибээллэр Европатааҕы ассоциацияларын бэрэсидьиэнэ Калоян Николов илиититтэн туттулар.

Бу, Анфиса Ефремова салайар “Алаҕар далбардара” үҥкүү ансаамбылын биир уратытынан, манна чахчы саха далбар хотуннара — эбээлэр дьарыктаналлара буолар.

Оттон норуоттар икки ардыларынааҕы бэстибээлгэ ансаамбыл хореограф Ольга Баишева туруоруутугар “Ыһыах” – саха омук национальнай бырааһынньыгар аналлаах икки үҥкүүнү толордо.

Бэстибээлгэ Болгарияттан, Израильтан, Ирантан уонна Арассыыйаттан уопсайа 80-тан тахса кэлэктиип кытынна. Биһиги талааннаах биир дойдулаахтарбытыгар дьүүллүүр сүбэ итинник үрдүк сыанабылы биэрбитин таһынан, кинилэр өссө кэлэр 2019 сылга Болгарияҕа Несебр куоракка буолар Фольклорга Аан дойду чемпионатыгар ыҥырыы туттулар.

“Хотугу кустук” Култуура фондата Саха Өрөспүүбүлүкэтин Чурапчы улууһун баһылыгар Андрей Ноговицыҥҥа, Алаҕар нэһилиэгин баһылыгар Ньургун Поповка  уонна “Айылгы” КК дириэктэригэр Гаврил Лыткиҥҥа “Алаҕар далбардара” ансаамбылы өйүүллэрин иһин махталын биллэрдэ.

—Парадка кыттыбыттарыттан олус үөрэллэр. Бастаан 80-тан тахса кэлэктиип этэ, онтон күн аайы эбиллэн-эбиллэн, сүүстэн тахса кэлэктиип буолбута, дэһэллэр. Онон, “Алаҕар далбардара” олус улахан, киэҥ тэрээһиҥҥэ маннык үрдүк ситиһиилэннилэр. Киһи эрэ киэн туттуон курдук,— диир Чурапчы улууһун Култуураҕа управлениетын фольклорга исписэлииһэ Мария Герасимова.  

 

Татьяна Маркова.

3
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

два × один =