Кэлиҥҥи кэмҥэ оптуобустарга хармаанньыттар «тиллибиттэрин» туһунан полиция иһитиннэрэр.
Ол курдук, Дьокуускай куорат полициятыгар 38 саастаах дьахтар эрийэн, оптуобуска кини суумкатыттан портмонетын уорбуттарын туһунан эппит.
Уоруйах «час пик» дэнэр, оптуобуска дьон балык курдук симиллибит кэмигэр сойбоппут. Онно 28 тыһ. солк. харчылааҕа үһү. Бу чахчынан «уоруу» ыстатыйанан холуобунай дьыала тэриллибит.
Полиция сэрэтэр уонна сүбэлиир:
- Суумкаҕыт сомуога куруук сабыылаах буолуохтаах, киһи элбэх, дьон мустар сиригэр суумкаҕытын хараххыт далыгар илдьэ сылдьыҥ.
- Уопсастыбаннай тырааныспарга, маҕаһыыннарга, атыы-эргиэн дьиэлэригэр, ырыынактарга, дьон мустар сирдэригэр болҕомтолоох уонна сэрэхтээх буолуҥ.
- Элбэх харчыны илдьэ сылдьар наада буоллаҕына, барытын кумааһынньыкка угумаҥ, тас сиэптэртэн ураты атын сиэптэргэ эмиэ угуталааҥ.
- Портмонеҕыт, көһүлүөккүт, суотабай төлөпүөҥҥүт харахха быраҕыллыбатын курдук туттуҥ.
- Оптуобуска төлөбүргүт харчыгытын эрдэттэн бэлэмнэниҥ.
- Бааҥҥыт каартатын пин-куодун каартаны кытта бииргэ сурунан илдьэ сылдьымаҥ.
- Уоруу таҕыстар эрэ, тутатына полицияҕа тыллааҥ.
Биһиги корр., «Саха сирэ» хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1