Оптуобус каартатын хантан ылабын?

Ахсынньы 1 күнүттэн Дьокуускайга уонна аттынааҕы нэһилиэнньэлээх пууннарга сылдьар оптуобустар бырайыастарын төлөбүрүгэр дифференцированнай систиэмэ үлэлээтэ. Оптуобус каартатын пассажирдар атыылаһан эрэллэр.

«УльтраЛайт» каарта диэн тугуй? Бу – оптуобус өҥөтүн иһин төлөбүр саҥа систиэмэ. Судургутук быһаардахха, электроннай кумааһынньык. Саҥа систиэмэ «УльтраЛайт 20», «УльтраЛайт 40» уонна «УльтраЛайт 60» диэннэргэ арахсар. Балартан саамай чэпчэки сыаналааҕынан, «УльтраЛайт 60» буолуоҕа. Сыыппаралар (20, 40 уонна 60) оптуобус өҥөтүн хаста туһаныахха сөбүн көрдөрөллөр.

60-наах каарта 960, 40-наах 720, 20-лээх 400 солк. сыаналаахтар. Бэҕэһээ «Киин» («Центральнай») киинэ-тыйаатырыгар анал каарталары атыылыыр киоск сүрэхтэннэ. Анал терминалга 350 устуука «Ультралайт» каарта киирэр. Манна биири өйдүөххө наада! Холобур, каартаны сүтэрдэххэ, харчыта төннөрүллүбэт! Итини тэҥэ, каарта кыайан үлэлээбэт буоллаҕына, «Алмазэргиэнбаан» бары салааларыгар сайабылыанньа суруйуохха наада.

60-наах каартаны хантан атыылаһыахха сөбүй? 

Ол курдук, «Горбэчээт» 19 киоскатыгар:

1. Ленин уулусса, 35 («Дружба» болуоссат тохтобула);

2. Петр Алексеев уулусса, 6 («Олоҥхо» атыы-эргиэн тохтобула);

3. Курашов уулусса, 28 (тыа хаһаайыстыбатын министиэристибэтэ);

4. Ленин уулусса, 30 (2 №-дээх бырабыыталыстыба дьиэтэ);

5. Каландаришвили уулусса, 45 (киоск-тохтобул);

6. Дзержинскэй уулусса, 21 (олорор дьиэ сыһыаннаһыыларыгар департамена);

7. Каландаришвили уулусса, 42 («Пирамида» атыы-эргиэн дьиэтин таһыгар);

8. Попов уулусса, 8А (киоск-тохтобул);

9. 202-с микро-оройуон (Нолуок иниспиэксийэтин кэннигэр);

10. Киров уулусса, 13Б («Ленин болуоссата» тохтобул);

11. Киров уулусса, 12 (Комдрагметалл дьиэтэ);

12. Петр Алексеев аатынан уулусса, 79 («Уобаластааҕы балыыһа» тохтобула);

13. Богдан Чижик уулусса, 20/1;

14. Ленин уулусса, 14А («Киин» киинэ-тыйаатыр таһыгар);

15. Курнатовскай уулусса, 34/1;

16. Дзержинскэй уулусса, 5 («ДЮСШ» тохтобула);

17. Кальвица уулусса, 7/1 («Аптека 121» тохтобула);

18. Киров уулусса, 18, (В блок);

19. Тулагы, Николаев уулусса, 35 («Кэнчээри» тохтобул-киоск).

Итини тэҥэ, Киин диспетчерскэй сулууспа каассатыгар (Ленин уулусса, 7) сарсыарда 8 чаастан киэһэ 9-ка диэри атыыланар.