«Эльгауголь» хампаанньа «Соболь» диэн саҥа микрооптуобуһу Нерюнгри оройуонугар Серебрянай бор бөһүөлэгэр баар оҕолор өрөспүүбүлүкэтээҕи интэринээт-дьиэлэригэр бэлэхтээтэ.
Көлөнү атыылаһарга сэртипикээти бу дьиэ салалтатыгар Саҥа дьылы көрсө туттарбыттара. Онон собуоттан тахсыбыт саҥа микрооптуобус Нерюнгрига икки ыйынан кэллэ. Меценаттарга оҕолор интэринээт-дьиэлэрин дириэктэрэ Сергей Фурсенко уонна тэрилтэ бэпэчиитэлискэй сэбиэтин бэрэссэдээтэлэ, «Айгуль» ХЭУо генеральнай дириэктэрэ Флида Габбасова махтаннлар. Саҥа көлө күлүүһүн интэринээт-дьиэ салалтатыгар «Эльгауголь» хампаанньа салайар дириэктэрэ Инна Власюк туттарда.
«Эльгауголь» хампаанньаҕа махталбыт муҥура суох. Биһиги оҕолорбут интэринээт-дьиэлэригэр туох да саарбаҕа суох наһаа наадалаах, көмөлөөх, туһалаах көлө. Оҕолору, наадалаах малы-салы таһыахпыт», — диэн Сергей Фурсенко үөрүүтүн үллэһиннэ.
«Айгуль» хампаанньа 12 сыл бу интэринээт-дьиэни кытары ыкса сибээһи тутар. Аны «Эльгауголь» курдук бөдөҥ хампаанньа көмөлөспүтэ үөртэ. Нерюнгрига бөдөҥ хампаанньалар ортолоругар маннык салайааччлар бааллара, өйөбүлгэ наадыйар кыһалҕалаахтарга илиилэрин уунан көмөлөһөллөрө муҥура суох үөрдэр», — диэн көлө күлүүһүн туттарыы үөрүүлээх түгэнигэр сылдьан Флида Габбасова бэлиэтээн эттэ.