Бэҕэһээ, тохсунньу бүтэһик күнүгэр, Аллараа Бэстээхтэн Саха сирин улуустарыгар оптоволокно тиһигин үөрэтэр сыаллаах автопробег саҕаланна.
edersaas.ru
—Эспэдииссийэ икки массыынанан Аллараа Бэстээхтэн турунна. Кинилэр өрөспүүбүлүкэ аҕыс оройуонунан айанныахтара: Мэҥэ Хаҥалас, Чурапчы, Таатта, Томпо, Өймөкөөн, Үөһэ Халыма, Орто Халыма, Аллараа Халыма. Автопробегы «НПО Импульс» хампаанньа тэрийдэ, – диэн СӨ Инновация, цифровой сайдыы уонна инфокоммуникационнай технология министиэристибэтин пресс-сулууспата иһитиннэрдэ.
Эспэдииссийэ оптоолокно тиһигэ сытар суолун үөрэтиэ, ону таһынан, улуус дьаһалталарын уонна сибээс оператордарын кытары сибээһи олохтуо. Эспэдииссийэ болдьоҕо биллибэт, күн-дьыл туругуттан тутулуктааах.
«НПО Импульс» хампаанньа стратегическай былааннааһынын уонна бырайыактарын салайар Георгий Тирон эппитинэн, автопробекка анаан Перьмтэн икки массыына тохсунньу 29 күнүгэр айаннаан кэлбит. Бу күннэр усталарыгар хамаанда массыыналары Саха сирин тыйыс усулуобуйатын тулуктаһарга бэлэмнээтэ. Эспэдииссийэҕэ уопсайа үс массыына кыттар. Икки көлө Аллараа Бэстээхтэн туруммут буоллаҕына, үһүс Магадантан айанын саҕалыыр. Эспэдииссийэ кыттыылаахтара маны сэргэ, тыа сиригэр ыччаты кытары көрсөр, профориентационнай үлэни ыытар былааннаахтар.
Виктория Бястинова.