«Open. лиэксийэ»: кибер спорт диэн тугуй уонна ону хайдах сайыннарабыт?
![](https://edersaas.ru/wp-content/uploads/2021/08/Open-lektsiya-1.jpeg)
Киберспорт геймингтан туох уратылааҕын уонна спорт бу көрүҥүн идэ таһымыгар үөрэх тэрилтэлэрэ хайдах сайыннарарга көмөлөһөр кыахтаахтарын, ХИФУ «Open. лиэксийэтин» иитинэн «База №1 / -72С» киберспорт тэрилтэ бииргэ үлэлэһэр салайааччыта Андрей Егоров быһаарыаҕа. Тэрээһин бүгүн, атырдьах ыйын 12 күнүгэр ХИФУ бэрэпиэссэрдэрин скверигэр киэһэ 19 чаастан буолуоҕа.
“1930-с сылларга ССРС инники күөҥҥэ турар кыаҕынан собуоттар уонна собуот салалтата этилэр. Идэтийбит спорка сүрүннээн собуоттан кэлэллэрэ. Билигин Арассыыйаҕа үөрэх тутулун киинэ (фокус) уларыйда: сайдыы собуоттан буолбакка, үөрэх тэрилтэтиттэн барар. Биһиги баҕарбатахпыт да иһин профессиональнай спорт Эмиэрикэҕэ тарҕаныытын суолун хатылыыбыт – собуот кулууптарыттан буолбакка, университет хамаандаларыттан тиийэллэр”, — диэн толкуйдаах Андрей Егоров.
Киберспортсмеҥҥа эт-хаан өттүнэн көстүү ханнык баҕарар спорт көрүҥэр курдук эмиэ суолталаах диэн бэлиэтиир Андрей Егоров. Дьиҥнээх киберспортсмен – алта чаас устата тыҥааһыннаах (стрессовай) оонньууну тулуйар киһи. Майгы-сигили уонна эт-хаан өттүнэн бэлэмнээх буолар ирдэнэр. Лиэксийэ, оҕолорбут киберспордунан дьарыктаналлар дии саныыр (оннук буолумуон эмиэ сөп) төрөппүттэргэ итиэннэ устудьуоннарга, преподавателлэргэ, спорт бу көрүҥүнэн дьарыктыаныан баҕарар дьоҥҥо туһалаах буолуо диэн лектор бэлиэтиир.
Андрей Егоров киберспорт туһунан лиэксийэтэ ХИФУ бэрэпиэссэрдэрин скверигэр бүгүн, атырдьах ыйын 12 күнүгэр, киэһэ 19 чаастан буолуоҕа. Онлайн-трансляцияны университет Инстаграмыгар көрүөххүтүн сөп. Онтон лиэксийэни устууну ХИФУ Ютуб-ханаалыгар таһаарыахпыт.
ХИФУ пресс-сулууспата.