Уопсастыба

Оонньуулар кэмнэригэр поруомҥа эбии сырыы олохтонно

Бу күннэргэ Уус Алдан улууһун Бороҕон сэлиэнньэтигэр Саха сирин норуоттарын  VIII спартакиадата буола турарынан сибээстээн, поруом эбии сырыыта олохтонно. 

Ол курдук, «Дьокуускай -Аллараа Бэстээх» туһаайыынан поруом сарсыарда  5.00 ч.  түүн  24.00 ч. диэри сылдьар. «Кангалассы-Суотту» туһаайыынан  поруом сырыыта: сарсыарда  6.00 ч.  түүн  24.00 ч.Бу туһаайыынан эбии икки дьуһуурунай поруом үлэлиир.

Маны таһынан, СӨ Тырааныспар уонна суол хаһаайыстыбатын министиэристибэтэ күүстээх тыал түһэр кэмигэр поруом сырыыта тардыллыан сөбүн иһитиннэрэр. Поруомнарга киириигэ үгүс массыына мунньуллан хаалбатын туһугар, эрдэттэн сырыыгытын быланныырга сүбэлиир уонна суол аргыстарыгар убаастабыллаахтык сыһыаннаһарга ыҥырар.

Поруом үлэтин өрөспүүбүлүкэтээҕи оробуочай бөлөх хонтуруоллуур. Онно бырабыыталыстыба чилиэннэрэ, тустаах министиэристибэ, улуустар баһылыктара, тырааныспар полицията, ГИБДД эппиэттээх үлэһиттэрэ киирэллэр.

Елена ПОТОЦКАЯ, «Саха сирэ» хаһыат. 

Хаартыскаҕа ааптар түһэриитэ.

0
0
Telegram Whatsapp