Харчы «үрдүгэр» үлэлии сылдьан, ымсыы санааны кыатана туттар ыарахаттардаах быһыылаах. Нууччалар этэллэринии, «стоять у водицы и не напиться?» бириинсибинэн салайтарааччылар бааллар бөҕө буоллаҕа.
Муома улууһугар биир баан үлэһитигэр суут бириигэбэрэ тахсыбытын туһунан СӨ Борокуратууратын пресс-сулууспата иһитиннэрдэ. Көннөрү да үлэһит буолбатах, улахан баан улуустааҕы филиалын салайааччыта.
Суут быһаарбытынан, Хонуу сэлиэнньэтин 40 саастаах олохтооҕо баан отделениетын салайан олорон, банкоматтан 516 солк. харчыны устан, бэйэтигэр ылбыт. Ол кэнниттэн өссө 1 мөл. солк. харчыны хорон сиэбит.
Суут мунньаҕар дьахтар буруйун билиммит, кэмсиммит, ону таһынан, уорбут харчытын улахан аҥаарын төлөөбүт.
Суут кинини РФ Холуобунай кодексатын 160-с ыст. 3-с чааһынан, ол эбэтэр, дуоһунас балаһыанньатынан туһанан, бөдөҥ суумманы иҥэриниигэ, буруйдааҕынан билинэн, 2 сыл 6 ыйга көҥүлүн быһары усулуобунайынан ааҕан, 3 сыл тургутар болдьоххо уурбут. Манна эбии 250 тыһ .солк. ыстараап төлүөхтээх.
Бириигэбэр сокуоннай күүһүгэр киирэ илик.
Биһиги корр., «Саха сирэ» хаһыат, edersaas.ru
Хаартыска: интэриниэттэн.