«Якутскэнерго» ПАУо Энергосбыта нэһилиэнньэҕэ «Онлайн оплати— айфон получи!» диэн акцияны ыытар. Ол курдук http://yakutskenergo.ru/ сайт нөҥүө коммунальнай өҥө харчытын төлөөччүлэр акция кыттыылаахтарынан буолуохтара.
Бу өрөспүүбүлүкэтэ үрдүнэн ыытыллар тэрээһиҥҥэ «Якутскэнерго» коммунальнай өҥөтүнэн туһанар үтүө суобастаах, төлөбүрдэрин кэмиттэн кэмигэр төлөөн иһэр дьон кыттыан сөп. Сүрүн бириис – айфон 7 суотабай төлөпүөн.
Акция ахсынньы 19 күнүгэр диэри ыытыллыаҕа. Хампаанньа официальнай сайтыгар баар анал кабинетынан (личный кабинет) көхтөөхтүк туһанар иэһэ-күүһэ суох дьон бары акция кыттыылаахтарынан буолуохтара. Кыайыылаах аата ахсынньы 20 күнүгэр биллиэхтээҕин туһунан Энергосбыт пресс-сулууспата иһитиннэрдэ. Акция усулуобуйатын туһунан сиһилии http://yakutskenergo.ru/ сайтыгар киирэн билсиэххитин сөп.
Анивера АКИМОВА.