Онлайн-көрсүһүүгэ өрөспүүбүлүкэ ситиһиитин, былаанын туһунан кэпсэттилэр
«Цифровой алмаз» бырайыак иитинэн «Цифровая трансформация Якутии» диэн тиэмэҕэ Ил Дархан Айсен Николаевтыын онлайн-кэпсэтии буолла.
От ыйын 15 күнүгэр Ил Дархан Айсен Николаев «Цифровая трансформация Якутии» биэриигэ кытынна. Көрсүһүү үрдүкү технологиялары сайыннарыыга ананна. Санатан эттэххэ, 2020 сыл ыам ыйыгар салайааччылары цифровой трансформацияҕа бэлэмниир Киин РАНХ уонна ГС ВШГУ баазатыгар «Цифровой Алмаз» диэн Саха Өрөспүүбүлүкэтин ситиһиилэрин туһунан киинэ бэлэмнээн таһаарбыта.
Саха сирэ цифровизация уонна информационнай технологиялары олоххо киллэриигэ кэнники сылларга улахан дьоһун хардыылары оҥорбута бэлиэтэнэр. Ол курдук, 8500 килэмиэтир оптоволокно ситимэ тардыллыбыт, нэһилиэнньэ 86,6% олорор 262 нэһилиэнньэлээх пуун түргэн интэриниэккэ холбоммут.
. Оптоволокно ситимин IT-эйгэ сайдыытын, өрөспүүбүлүкэҕэ ыраах сытар улуустар олохторун-дьаһахтарын цифровизациялааһыҥҥа үлэни түргэтэтэр тирэх быһыытынан биһиги үлэни салгыы кэҥэтэр соруктаахпыт», — диэн Айсен Николаев көрсүһүү модераторын Павел Потеевы кытары кэпсэтиигэ эппит.
Оттон коронавирус пандемията Саха сиригэр цифровизацияны сыаналыырга кыаҕы биэрбитэ бэлиэтэммит. Өрөспүүбүлүкэҕэ дьаҥ туруоҕуттан ыраахтан олорон үлэлээһиҥҥэ 35 тыһыынча киһи көспүт. Дьон дистанционнай форматынан кэпсэтэллэр, үөрэнэллэр, үлэлииллэр. НИУ ВШЭ быйыл саас ыыппыт чинчийиитинэн, Саха сирэ дистанционнай үөрэтиигэ көһүүгэ лиидэр-эрэгийиэнинэн билиниллибит.
СӨ Ил Дархан уонна Бырабыыталыстыба пресс-сулууспата
+1
+1
+1
+1
+1
+1
+1