Доруобуйа Нацбырайыактар Суолталаах

Онкологтар кэмпириэнсийэлэрэ көрдөрүү-эпэрээссийэттэн саҕаланна

Бэс ыйын 16 күнүгэр Дьокуускайга “Аҕыйах нэһилиэнньэлээх сиргэ онкология көмөтүн оҥоруу уратылара” диэн эрэгийиэннэр икки ардыларынааҕы  научнай-бырактыычаскай кэмпириэнсийэ буолла.

edersaas.ru

Кэмпириэнсийэ “Тыыннаах хирургия” диэн көрдөрөр эпэрээссийэлэртэн саҕаланна. Онкология өрөспүүбүлүкэтээҕи диспансерын  хирург-онкологтара пре-курс форматынан кэмпэриэнсийэ кыттыылаахтарыгар, онколог-быраастарга, килиниичэскэй ординатордарга уонна миэдик-устудьуоннарга көрдөрөр эпэрээссийэлэри билиһиннэрдилэр.

«Бу көрдөрөр эпэрээссийэлэр уратыларынан эпэрээссийэлэри федеральнай килииникэлэртэн кэлбит экспертэр буолбакка, Сахабыт сирин хирурдара оҥороллоро буолар. Биһиги онкологтарбыт малоинвазивнай видеоэндоскопическай эпэрээссийэлэри  оҥорорго улахан уопуттаахтар. Ис көҥдөйүгэр үрдүк технологиялаах эпэрээссийэлэр аныгы видеоэндоскопическай комплекска оҥоһуллуохтара. Икки итинник аппарааты былырыын ахсынньыга “Доруобуйа харыстабыла” национальнай бырагыраама чэрчитинэн ылбыппыт. Сүрүнэ – маннык эпэрээссийэлэр кэннилэриттэн  чөлүгэр түһэр кэм биллэ кыччаан биэрэр”,  — диэн онкология диспансерын  кылаабынай бырааһын мэдиссиинэ чааһыгар солбуйааччы Владимир Лезнев иһитиннэрдэ.

Надежда ЕГОРОВА, «Саха сирэ», edersaas.ru

0
0
Telegram @edersaas20