Онкологиянан доруобуйаларын анаан көрдөрөөччүлэр олорор боппуруостарын дьүүллэстилэр
СӨ Доруобуйа харыстабылын уонна Үлэҕэ министиэристибэлэрэ онкология өрөспүүбүлүкэтээҕи диспансерыгар доруобуйаларын көрдөрүнэ кэлээччилэр олорор боппуруостарын дьүүллэстилэр.
Доруобуйа харыстабылын министиэристибэтэ көҕүлээн ыыппыт мунньаҕар этиллибитинэн, онкология диспансерыгар анал чинчийиини оҥорторо кэлбит дьон кыһалҕалара сытыытык турар.
Баар чахчынан, Ньурбаҕа улуустар икки ардыларынааҕы стационарнай тииптээх дьиэҕэ ылылларга ыаллыы улуустар дьонноро доруобуйаларын бэрэбиэркэлэтэллэригэр эмиэ кэккэ кыһалҕалары көрсөллөр.
Баар кыһалҕа эрэгийиэн олоҕун хаачыстыбатын таһымын көрдөрөрүнэн, боппуруоһу быһаарыы улахан болҕомтону эрэйэр. Бу — биир биэдэмэстибэ уонна судаарыстыбаннай тэрилтэлэр эрэ быһаарар дьыалалара буолбатах.
Онон, Доруобуйа харыстабылын министиэристибэтэ инникитин даҕаны салҕыы үлэлээһини көҕүлүөҕэ. Онуоха түмү быһаарыыны ылынарга уонна сөптөөх дьаһаллары ыларга уопсастыбалар, кэммиэрчэскэйэ суох тэрилтэлэр уонна кэммиэрчэскэй структуралар ыҥырыллыахтара.
Эбэн эттэххэ, искэннээх ыарыһах үтүөрэрэригэр, бастатан туран, ыарыыны эрдэ булуу көмөлөһөр. Статистика көрдөрөрүнэн, ыарыы эрдэ булуллубут дьонун 90 бырыһыана үчүгэйдик эмтэнэр уонна олоҕун хаачыстыбата биллэ тупсар.
Надежда ЕГОРОВА, «Саха сирэ», edersaas.ru