Нацбырайыактар Сүрүн

Онкология диспансерын тутуу 72 бырыһыана бэлэм

Киин куоракка тутулла турар онкология өрөспүүбүлүкэтээҕи диспансерын саҥа дьиэтэ 180 сытар куойкалаах уонна симиэнэҕэ 210 киһи сылдьар кыахтаах поликлиникалаах буолуоҕа.

edersaas.ru

Билигин саҥа эбийиэккэ ис үлэлэр ыытыллаллар. Тутааччылар этэллэринэн, эбийиэк 72 бырыһыана бэлэм буолла. Сотору кэминэн мэдиссиинискэй тэриллэри аҕалыы үлэтэ саҕаланыахтаах.
Тутуу үлэтин икки бэдэрээттэһэр тэрилтэ — «Адгезия»уонна «Кинг-95» хааччахтаммыт эппиэтинэстээх тэрилтэлэр ыыталлар.   Түөрт мэндиэмэннээх дьиэ түөрт блоктан турар. Тутуу «Доруобуйа харыстабыла» национальнай бырайыак чэрчитинэн уонна «2020-2024 сылларга СӨ доруобуйатын харыстабылын сайдыыта» өрөспүүбүлүэ судаарыстыбаннай бырагырааматынан үбүлэнэр.
2019 сылтан тутуута саҕаламмыт диспансер дьиэтэ 2023 сыл IV кыбаарталыгар киллэриллэрэ былааннанар.
Манна сыһыаран эттэххэ, СӨ Ил Дархана Айсен Николаев:
«…Билигин чугастааҕы сорукпутунан Онкология киинин тутууну түмүктээһин уонна үлэҕэ киллэрии буолар. Кистэл буолбатах, искэн ыарыылаахтар ахсааннара элбиир. Биһиги онкология киинэ эмиэ Кардиология киинин курдук үрдүк хаачыстыбалаахтык тутуллуо диэн эрэнэбит», -– диэн  РФ доруобуйа харыстабылын миниистирэ Михаил Мурашко Дьокуускайга Сүрэх-тымыр киинэ аһыллыытыгар кэлэ сылдьар кэмигэр этэн турар.

Надежда ЕГОРОВА, Саха сирэ», edersaas.ru

 

 

0
0
Telegram @edersaas20