Олунньу 4-28 күннэригэр Бүтүн Арассыыйатааҕы онкологическай дьыктаан ыытыллар. Бу манна искэн ыарыытын, хайдах харыстаныахха сөбүн, ыарыйдахха, тугу гыныллыахтааҕын туһунан, о.д.а. билиини тургутар дьыктаан буолар.
Онкологическай дьыктаан – РФ доруобуйаҕа харыстабылын министиэристибэтин сырдатар бырайыага. Дьон искэн ыарыытын туһунан билиитин хаҥатар сыаллаах.
Дьыктаан тест ыйытыыларыгар хоруйдааһын быһыытынан барар, 1 чаас кэриҥэ толоруллар. Ол түмүгүнэн хас биирдии хоруйдаабыт киһи сэртипикээт ылар уонна эспиэрдэр сүбэлэрин тутар. Ким баҕарар кыттыан сөп: үөрэнээччи да, биэнсийэлээх да буол.
Биллэрин курдук, искэни төһөнөн эрдэ булуллар да, соччонон эмтэнэр, үтүөрэр кыах улаатар. Онон нэһилиэнньэ бу уодаһыннаах ыарыы эрдэтээҥи сибикилэрин туһунан билэрэ наадалаах. Искэн – бириигэбэр буолбатах, киһи кыайыан сөптөөх.
Бу бырайыак Арассыыйа онкологтарын ассоциациятын уонна “НМИЦ радиологии” өйөбһллэринэн, РФ доруобуйаҕа харыстабылын министиэристибэтин анал порталыгар ыытыллар. Аадырыһа: https://onco-life.ru/diktant.
Ангелина Васильева, “Саха сирэ” хаһыат, edersaas.ru
Хаартыска: sakhagov.ru