Онкодиспансерга цифровой маммограф кэллэ

Бөлөххө киир:

“Доруобуйа” национальнай бырайыак чэрчитинэн, Өрөспүүбүлүкэтээҕи онкологическай кииҥҥэ Арассыыйаҕа бастакынан цифровой “МТЛ Маммо-5МТ” маммографическай комплекс баар буолла. Бу томосинтез диэн дьайыылаах  маммограф үрдүк хаачыстыбалаах рентгенологическай ойууну көрдөрөр.

Бу маммографическай систиэмэ кэккэ тупсарыылардаах, бэл, биопсияны да ылыан сөп. Кылгас кэмҥэ үрдүк хаачыстыбалаах ойууну көрдөрөр, түргэн түмүгү биэрэр. Онон пациеҥҥа быдан табыгастаах, — диэн диспансер сардаҥа диагностикатын киинин сэбиэдиссэйэ Майя Тихонова кэпсиир.

Саха сиригэр кэнники 2 сылга тыҥа искэнин кэнниттэн, эмиий искэнэ иккис миэстэлээх. Сыллата 250 кэриҥэ дьахтарга эмиий искэнэ булуллар, ол онтон 70%-на эрдэ булуллан, эмтэнэр. Төһөнөн эрдэ булуллар да, эмтэнэн үтүөрэр кыах улаатар. Онуоха маннык чинчийэр комплекстар туһалаахтар.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru.

+1
0
+1
0
+1
0
+1
0
+1
0
+1
0
+1
0