Онкодиспансер тутуута — 66% бэлэм

Ааптар: 
Бөлөххө киир:

Өрөспүүбүлүкэтээҕи окнологическай киини тутуу үлэтэ 66 % бэлэм буолбут. Билиҥҥитэ эбийиэккэ «Доруобуйа харыстабыла» национальнай бырайыагынан ыытыллар үлэлэр бара тураллар. Бу туһунан Ил Дархан уонна Бырабыыталыстыба дьаһалтатын пресс-сулууспата иһитиннэрэр.

Онкодиспансерга магистральнай уонна бөлөҕүнэн кабельнай лиинийэлэри, щиттэн уоту тардаллар, вентиляцияны холбуу, гипсокартонтан истиэнэлэри быһа, санузеллары монтаастыы сылдьаллар.

Эбийиэккэ 126 киһи үлэлиир. Түөрт блокка араарыллыбыт түөрт этээстээх онкокиин стационарыгар 180 куойкалаах буолуоҕа, оттон поликлиникатыгар 210 киһи көрдөрүөн сөп. Киин иэнэ 25 тыһыынча квадратнай миэтэрэҕэ тэҥнэһэр. Үлэ түмүктэннэр эрэ, саҥа эбийиэк 2023 сыл күһүнүгэр арыллыаҕа.

Ил Дархан Айсен Николаев эрдэ иһитиннэрбитинэн, бу киин арылыннаҕына мэдиссиинискэй көмөнү оҥоруу саҥа таһымҥа тахсыаҕа, искэн ыарыыны эрдэ билэр буолуохтара.

+1
0
+1
0
+1
0
+1
0
+1
0
+1
0
+1
0