Онкология өрөспүүбүлүкэтээҕи диспансера урукку эрэһииминэн үлэлиир. Ол эбэтэр, диспансер поликлиникатыгар былааннаммыт көрүүлэр тохтотуллубаттар. Сытан эрэ эмтэнэргэ наадыйааччылар, балыыһаҕа киллэриллэллэр.
edersaas.ru
Ол да буоллар, кэккэ хааччахтааһыннар бааллар. Чуолаан, балыыһаҕа сытар ыарыһахтарга атын дьон кэлиитэ уонна көрсүһүүтэ быстах кэмҥэ бобулунна.
Куорпуска киирээччилэри термометриянан бэрэбиэркэлииллэр, үрдүк кыраадыстаах дьон куорпуска киллэриллибэттэр.
Онкодиспансер салалтата уонна үлэһиттэрэ нэһилиэнньэ эппиэтинэстээх буоларыгар уонна ОРВИ кыра да сибикитэ биллэр буоллаҕына, диспансерга кэлбэккитигэр сүбэлииллэр. Биллэрин курдук, искэн ыарыылаахтар ыарыы сыстар кутталлаах бөлөххө киирсэллэр, коронавирус инфекциятыгар сыстыы кинилэр доруобуйаларыгар улахан охсуулаах.
Ыйтыыларгытын искэни эмтиир диспансерга суукканы быһа үлэлиир 89142705379 төлөпүөнүнэн билсиэххитин сөп.
Надежда ЕГОРОВА, “Саха сирэ”, edersaas.ru