11-с кылаас үөрэнээччилэригэр омук тылыгар Биир кэлим эксээмэн булгуччулаах буолбат буолла. Ол туһунан тохсунньу 4 күнүгэр РФ үөрэххэ министиэристибэтин бирикээһэ таҕыста.
2022 сылтан омук тылын эксээмэнэ нуучча тылын, математиканы сэргэ булгуччулаах буолуохтаах этэ. Онон 2012 сылга ылыллыбыт үөрэх судаарыстыбаннай ыстандаардыгар (ГОСТ) уларыйыы киирдэ.
2019 сыллаахха Национальнай төрөппүт кэмитиэтэ үөрэх министиэристибэтигэр омук тылыга булгуччулаах эксээмэни киллэрбэт туһунан көрдөһүү суруйбута. Уопсастыбаннаска да бу боппуруоһу киэҥник дьүүллэһии барбыта, үгүстэр утарбыттара. Арассыыйатааҕы үөрэҕирии академията, араас эрэгийиэннэргэ үөрэх управлениелара эмиэ утарбыттара. Онон министиэристибэ дьон, төрөппүттэр санааларын учуоттуурга күһэлиннэ.
Ангелина Васильева, “Саха сирэ” хаһыат, edersaas.ru
Хаартыска: интэриниэттэн.