Омук эспиэрдэрэ килиимэт уларыйыытын туһунан этиилэрэ

Бөлөххө киир:

Балаҕан ыйын 28 күнүгэр “Килиимэт уларыйыыта уонна ирбэт тоҥ” диэн III Хотугу пуорумҥа Арассыыйа Тас дьыалаларга министиэристибэтин посола, Арктика Сэбиэтигэр РФ үрдүк дуоһунастаах үлэһитэ Николай Корчунов, Арассыыйаҕа Япония боломуочуйалаах посола Тоехиса Кодзуки, Госдуума эрэгийиэннээҕи бэлиитикэ уонна Хоту дойду, Уһук Илин кыһалҕаларыгар кэмитиэтин бэрэссэдээтэлэ Николай Харитонов, уо.д.а. кытыннылар.

Николай Корчунов Арассыыйа Арктика Сэбиэтигэр 2021-2023 сылларга бэрэссэдээтэллиирин, хоту дойду айылҕатын харыстыырга Хотугу пуорум үлэтэ суолталааҕын ыйда.

Тоехиса Кодзуки “күөх экэниэмикэ” сайдыытыгар Арассыыйа уонна Япония бииргэ үлэлэһэллэрэ улахан суолталааҕар болҕомтотун уурда.

Николай Харитонов экология боппуруостарыгар федеральнай сокуоннар кэҥииллэрэ, уларыйаллара улахан суолталаах диэн эттэ. Манна Саха сирэ саҥа сокуоннары ылыныыга инники иһэрин бэлиэтээтэ.

Лапландия губернатора Мика Риипи хоту дойдуга экэниэмикэни сайыннарыы уопутун кэпсээтэ.

Федерация Сэбиэтин кэмитиэтин чилиэнэ Григорий Ледков килиимэт уларыйыыта аҕыйах ахсааннаах хотугу норуоттар олохторугар, төрүт дьарыктарыгар, айылҕа харамайдарыгар, кыылларыгар, үүнээйитигэр хайдах дьайарын туһунан кэпсээтэ. Хоту дойду дьоно килиимэт уларыйыытыгар бэлэмнээх буолуохтаахтарын ыйда.

Кыһын бытарҕан тымныыга Өймөкөөҥҥө тиийэн, 40 килэмиэтири сүүрбүт спортсмен-экстремал Паоло Вентурини киһи этэ-сиинэ, кыаҕа улахан диэн туран, бэйэтин уопутуттан үллэһиннэ.

Ангелина Васильева, “Саха сирэ” хаһыат, edersaas.ru

Хаартыска: sakha.gov.ru

+1
0
+1
0
+1
0
+1
0
+1
0
+1
0
+1
0