2022 сыл 12 ыйыттан биирин этэҥҥэ кээрэттибит, номнуо олунньу буола оҕуста.
Саха сиригэр сарсын, олунньу 10 күнүгэр, Анаабыр, Булуҥ улуустарыгар сөкүүндэҕэ 25-27 м уонна олунньу 11 күнүгэр сөкүүндэҕэ 19-24 м түргэннээх силлиэ түһүөҕэ. Салгын температурата түүнүн 37-42, былааттаах кэмҥэ 30-35 кыраадыс тымныы буолуоҕа. Хотугулуу-илин диэки сорох улуустарга 45-50 кыраадыс тымныйыа. Оттон күнүһүн 27-32 кыраадыс, хотугу, хотугулуу-арҕаа улуустарга 20-25, сорох сирдэргэ 15-20 кыраадыс тымныйыа.
Кырыа кыһыммыт бүтэһик күннэрэ диэтэхпитинэ, сыыстарбаппыт буолуо. Саха сиринээҕи Гидрометкиин начаалынньыгын солбуйааччы Татьяна Маршалик иһитиннэрбитинэн, олунньуга халлаан сылыйан да, тымныйан да ылыаҕа. «Олунньу бастакы дэкээдэтигэр Саха сирин үгүс сиригэр-уотугар халлаан лаппа сылыйан, 12 кыраадыска тиийэ тымныйыаҕа. Ол эрээри, күнүһүн үксүн 36, түүнүн 44 кыраадыс тымныы буолуоҕа. Олунньу 10-11 күннэригэр оннук-айылаах тымныйыа суоҕа эрээри, түүнүн 40 кыраадыска тиийэ намтыаҕа. Күнүһүн үксүн 32 кыраадыс буолуоҕа», — диэн Татьяна Маршалик иһитиннэрэр. Олунньуга Саха сирин хотугулуу-илин улуустарыгар халлаан лаппа сылыйан ылыаҕа, ол эбэтэр сылаас циклон кэлэр. Бу иннинэ ити эргин 50 кыраадыска тиийэр тымныылар түспүттэрэ.
edersaas.ru