Тулалыыр дьонуҥ-сэргэҥ эйигин өйдөөбөт. Барыта эн саныырыҥ курдук судургу буолбатах. Ордук дьиэ кэргэниҥ уонна чугас дьонуҥ кыһалҕаларын быһаараргар маны өйдүөҕүҥ. Быһаарыллыбатах боппуруостар быһаарыллар кэмнэрэ кэлбит. Дьону кытта сыһыаннаһыыҥ уһун кэмнээх дуогабарга кубулуйуо. Буолар быһыы-майгы өйдөнүмтүө, ырылхай буолуоҕа. Оччотугар эппиэтинэстээх быһаарыныыны дьэ, ылыныаххытын сөп.
Төһө да бу нэдиэлэ дьыалабыай буоллар, эрэлэ суох киһиттэн сылтаан оҕустар судургута суох быһаарыныы ылынар кэмҥит кэлбит. Чугас киһигитин кытта сыһыаҥҥа бу улаханнык дьайыан сөп. Нэдиэлэ ортото дьыалабыай кэпсэтиилэр буолуохтара. Оҕустар тугу эмит быһаарыныаххыт иннинэ үс төгүл толкуйдааҥ.
Саҥа таһымҥа тахсаргар тоҕоостоох кэм. Саҥа билсиһииҥ күүстээх доҕордоһууга эбэтэр истиҥ сыһыаҥҥа кубулуйуон сөп. Бириэмэҕитин халтайга ыытымаҥ. Сиэххитин ньыппарынан күүстээх үлэҕэ ылсар кэмҥит кэлбит. Оччоҕо тулалыыр дьоҥҥут дьэ, сыаналыахтара.
Саҥа нэдиэлэҕэ санааҕытын сааһыланыҥ. Дьыалабыай эргимтэҕэ бэрт былдьаһыы көстөр. Ким эрэ барыһыра, баһыйа сатыыр эбит. Иирсэри, аахсары сөбүлээбэт араактар холкутаан атын хайысхаларга хайыһыҥ, саҥаны айыҥ-тутуҥ. Саамай сүрүнэ, чугас дьонуҥ эйигин өйүүллэр.
Нэдиэлэ быһаарыллыбатах боппуруостартан саҕаланыа, ыгыа-түүрүө. Туох баар кыһалҕаны умнан дьиэ кэргэҥҥэр болҕомто уурарыҥ наада буолбут. Оҕолоруҥ эйиэхэ эмиэ наадыйаллар. Арай туохха да бириэмэҥ тиийбэт курдук эбит. Сатаан сааһыланнаххына, инникигин былааннаннаххына, барыта табыллыаҕа.
Кыыс бэлиэлээх дьоҥҥо үтүө кэм саҕаламмыт. Ыксаабакка саҥа бырайыактары олоххо киллэрэргэ дьулуһуҥ. Тулалыыр эйгэҕитигэр санааҕытын сатаан тиэрдэ эбиккит. Ылсыбыт дьыалаҕыт ситиһиилээх буолар эбит. Онон харса суох саҥа былааннары олоххо киллэрэргэ дьулуһуҥ.
Нэдиэлэ кыра уустуктардаах буолуоҕа. Тус интэриэскин көмүскүүр туһуттан киирсэн ылыаххын сөп. Ол эрээри тулалыыр дьонуҥ эйигин өйүүллэриттэн санааҥ бөҕөх. Нэдиэлэ бүтүүтэ үп-харчы өттүгэр үөрүүлээх сонуннар күүтэллэр. Дьиэ кэргэҥҥэр урукку өттүгэр өйдөспөт быһыы-майгы баар эбит буоллаҕына, бу нэдиэлэҕэ барыта эйэнэн быһаарыллыаҕа.
Нэдиэлэ саҥата скорпионнарга саҥа саҕалааһыннарга сыһыаннаах элбэх этии киириэ. Уһуннук толкуйдуур наадата суох. Саҥа кэлэктиипкэ тиийдэххитинэ, бэйэҕитин үтүө өттүттэн көрдөрөргө дьулуһуҥ. Дьону кытта уопсай тылы буларга кыһаллыҥ. Нэдиэлэ бүтүүтэ истиҥ, аһаҕас кэпсэтиигэ наадыйыаххыт.
Саҥа дьыаланы саҕалыыртан туттунуҥ. Толкуйдаан, ырыҥалаан көрөн баран сүрүн дьыалаҕа болҕомтоҕутун ууруоххутун наада. Сулустар кэпсииллэринэн, бу нэдиэлэ устата тус олоххутугар табыллыаххыт. Саҥа билсиһии күүтэр.
Оҥорбут үлэҕит-хамнаскыт сыаналанар кэмэ дьэ, кэлбит. Нэдиэлэ холкутук ааһыаҕа. Олоххут бэйэҕититтэн улахан тутулуктаах. Дьиэ кэргэҥҥит иһинээҕи сыһыаҥҥа уларыйыылар күүтэллэр. Оттон соҕотох чубукуларга үөрүүлээх күннэр үүнүөхтэрэ. Санааҕытын уурдаххытына, сөбүлүү көрөр киһигитин кытта истиҥ сыһыаны олохтуур кыахтааххыт.
Үлэҕитигэр болҕомто ууран кыһалларгыт наада буолбут. Үрдүнэн-аннынан сылдьар курдуккут. Эһиги эргитэ толкуйдуур дьоҕургут сайдыбыт. Ол кыаххытын сөптөөхтүк туһаныҥ. Эрдэттэн былааннаабыт дьыалаҕыт ситиһиилээх буолуоҕа. Ол курдук, сыаналаах мал-сал атыылаһарга тоҕоостоох кэм.
Эһиэхэ саҥа кэм саҕаламмыт. Ордук үп-харчы өттүгэр барыстаах кэпсэтиилэр тахсыахтара. Биир сиргэ олорон хаалымаҥ. Тоҕоостоох түгэни мүлчү туппакка хамсанаргыт наада буолбут. Ол да буоллар, нэдиэлэ ортото сынньаныаххытын, чугас дьоҥҥутугар болҕомто ууруоххутун наада. Доруобуйаҕытын көрүнүҥ.
Ульяна ЗАХАРОВА бэлэмнээтэ.