Хаарбах дьиэттэн дьону көһөрүү бырагырааматынан Саха сиригэр далааһыннаах үлэ ыытыллар.
«Олорор дьиэ уонна куорат эйгэтэ» национальнай бырайыак иитинэн, хаарбах дьиэттэн саҥаҕа көһөрүү бырагырааматынан Саха сиригэр үлэ тиһиктээхтик салҕанар. Үс сыл иһигэр хаарбах дьиэттэн 18 тыһ. тахса киһи көһөрүллүбүт. Онтон 2005 сыл балаҕан ыйын 1 күнүгэр диэри Саха сирин 43 тыһ. олохтооҕо олорор усулуобуйатын тупсарыа.
Бу туһунан социальнай ситимнэринэн быһа сибээскэ «СӨ олорор дьиэни тутуу дириэксийэтэ» ГКУ генеральнай дириэктэрэ Игорь Васильевич Ткаченко эттэ.
Кини 2021 сылга 325,21 тыһ. кв.м. иэннээх хаарбах дьиэттэн 18 тыһ. тахса киһи көһөрүллүбүтүн, былааны бу балтараа төгүл куоһарбытын бэлиэтээтэ.
Ордук улахан үлэ, элбэх көһөрүү 2023-2024 сылларга күүтэрин эттэ. Былааннанарынан 7,5 тыһ. тахса киһи олорор 136, 44 тыһ.кв.м. көһөрүллүөхтээх.
Оттон үс сыл иһигэр элбэх кыбартыыралаах 130 дьиэ тутуллубут. Ол иһигэр, 2021 сыллаахха — 82, манна хаарбахтан саҥаҕа 3676 киһи көспүтэ ыйыллар. Манна ордук элбэх дьиэ Дьокуускайга тутуллар. Мэҥэ Хаҥаласка уонна Горнайга сэттэлии дьиэ, Алдаҥҥа — 58, Ленскэйгэ — 4. Билиҥҥи туругунан Саха сиригэр элбэх кыбартыыралаах 81 дьиэ тутулла турар.
Бэлиэтээн эттэххэ, 2025 сыл балаҕан ыйын 1 күнүгэр диэри 804,38 кв.м. иэннээх хаарбах туруктаах дьиэлэртэн 43,31 тыһ.киһи көһүөхтээх. Бырагыраама бары муниципальнай тэриллиилэргэ, ол иһигэр 13 арктическай оройуону киллэрэн туран үлэлиир.
+1
+1
+1
+1
+1
+1
+1