РФ бырабыыталыстыбата эрэгийиэннэр олорор дьиэни тутууну ыыталларыгар көмөлөһүөҕэ. Ол сыалга анаан 6 млрд солк. көрүллүөҕэ. Туһааннаах дьаһалга премьер-миниистир Михаил Мишустин илии баттаата.
edersaas.ru
Субсидия «Обеспечение доступным и комфортным жильём и коммунальными услугами граждан Российской Федерации» судаарыстыбаннай бырагыраама иитинэн көрүллэр. Ол курдук үп-харчы ититии, уу ситимнэрин, канализацияны тардарга, суоллары, оҕо саадтарын, оскуолалары тутууга ыытыллыаҕа. Онон тутуу тэтимирэн, 600 тыһ. кв миэтэрэ иэннээх дьиэ тутуллуутугар төһүү күүһүнэн буолуоҕа.
Субсидияны 20 субъекка тыырыахтара. Ол иһигэр Татарстан, Хакасия, Удмуртия, Крым, Марий Эл, Чечня, Югра, Брянскай, Белгородскай, Воронежскай, Липецкай, Нижегородскай, Иркутскай, Новосибирскай уобаластар уонна Саха сирэ бааллар. Биһиги өрөспүүбүлүкэбитигэр 263657,6 тыһ. солк. көрүлүннэ.
edersaas.ru
+1
+1
+1
+1
+1
+1
+1