Култуура Уопсастыба

ОЛОҤХО ЫҺЫАҔА: «ОЛООХУНА УЛУУ ОЛОҤХОНУ УРУЙДУУР!»

Өлүөхүмэ оройуонан баһылыга Николай Харбин Аанньаах хочотугар ураһаҕа өрөспүүбүлүкэ киэн туттар бочуоттаах ыалдьыттарын — олоҥхону толорооччулары кытары көрүстэ диэн улуус хаһыата сырдатар.
Баһылык ыраахтан-чугастан мустубут ыалдьыттары саха мааны, минньигэс аһынан-үөлүнэн күндүлээтэ. Астына, дуоһуйа сэһэргэһии кэмигэр, улуус баһылыга өрөспүүбүлүкэ киэн туттар улахан ааттаах-суоллаах дьонугар — олоҥхону толорооччуларга сэртипикээттэри уонна сыаналаах бэлэхтэри туттарда.
Салгыы манна мустан олорооччулары биллиилээх ырыаһыт Саарын Өлүөхүмэ кэрэ айылҕатыгар, дьол уйаламмыт сиригэр көрсүһүү туһунан ырыанан улаханнык үөрэн, долгуйан туран эҕэрдэлээтэ.
Ол кэнниттэн ыалдьыттар олоҥхону толорооччулар түһүлгэлэригэр туос ураһаҕа тиийдилэр. Манна «Олоохуна Улуу олоҥхону уруйдуур!» өрөспүүбүлүкэтээҕи күөн күрэс саҕаланна.
0
0