Олохтоох каадырдар тутууга 40% бааллар

11.12.2020
Бөлөххө киир:

Бүгүн, ахсынньы 11 күнүгэр, киэһэ 18.00 ч СӨ тутууга миниистирэ Павел Кылатчанов быһа биэриигэ таҕыста.

Өрөспүүбүлүкэҕэ барыллаан, ханнык улахан тутуулар баралларын билиһиннэрдэ, ону сэргэ билигин пандемия кэмигэр олохтоох каадырдар тутууга 40% ылалларын бэлиэтээтэ. Дьаҥ саҕаланыыта үлэһит илии тиийбэтэ 3000 тэҥнэспит эбит буоллаҕына, билигин 700 кэриҥэ буолбут. Ол курдук судаарыстыба сакааһынан тутууга маннык бырыһыан көстөр.

Хаарбах дьиэттэн көһөрүү бырагырааматынан 50 эбийиэк бары судаарыстабаннай хонтуруолу аастылар диэтэ.

Дьону араас  боппуруос долгутара көһүннэ. Ол курдук кыбартыыра сыаната аһары үрдээбитин ыйыттылар. Онуоха бу көстүү Уһук Илиҥҥи ипотека киирбитинэн буолбутун бэлиэтээтэ. «Черов и К» албыннаппыт дьоно хайдах буолларын сурастылар. Онуоха дольщиктар бырааптарын Федеральнай пуондатыгар докумуоннар тиэрдиллибиттэрин, ахсынньы устата бу түөрт тутуллубатах эбийиэк дьылҕата быһаарыллыаҕын эттэ. Кэтээн көрөр сэбиэт быһаарыытынан  дьиэлэр ситэриллиэхтэрин сөп, эбэтэр албыннаппыттарга харчыларын төннөрүөхтэрэ диэтэ. Воинскай чаас оройуонугар улахан кыбаартал тутулларын билиһиннэрдэ ол курдук, 60 тыһыынча иэннээх эбийиэктэр тутуулара күүтүллэр.  Бу тутууга 7-8 сыл барыаҕа диэтэ.

Ульяна Захарова.

+1
0
+1
0
+1
0
+1
0
+1
0
+1
0
+1
0