Уопсастыба

Олохтоох көҕүлээһини өйүүр бырайыактар тустарынан

Билиҥҥи кэмҥэ тыа сиригэр социальнай бырайыактары олоххо хайдах киллэрэбит? Нэһилиэк социальнай-культурнай эйгэтин ханнык ньыманан тэрийиэххэ сөбүй?

Судаарыстыба, норуот бэйэтин көҕүлээһинэ, бизнес бэрэстэбиитэллэрэ буолан бары куолаан, бу маннык сыалы-соругу бигэтик олоххо киллэриэххэ сөп. Бу маннык дьоһун үлэ-хамнас тыа сирэ чэчирии сайдарыгар, олохтоохтор киин  сирин дьонуттан итэҕэһэ  суох усулуобуйаҕа олороллорун ситиһиэххэ сөп.

Олохтоох көҕүлээһини өйүүр быраграама Саха Өрөспүүбүлүкэтигэр 2017 сылтан үлэтин саҕалаабыта. Бу бырагыраама аан дойдуга биллибитэ 30-тан тахса сыл буолла. Арассыыйаҕа бу бырагырааманы  РФ үбүн  министиэристибэтин өйөбүлүнэн, Аан дойдутааҕы баан сүбэтинэн, көмөтүнэн 63 эрэгийиэн олоххо киллэрбитэ.

Саха сирэ бу бырагырааманы олоххо киллэриини аан бастаан   2017 сылга саҕалаабыта. Пилотнай 5 улуус кыттыбыта, ол иһигэр  Чурапчы, Хаҥалас,  Үөһээ Бүлүү, Уус  Алдан уонна Жатай бөһүөлэгэ. Уопсайа 32 мөл. солк. субсидия көрүллүбүтэ.  208 бырайак кыттыбытыттан, 56-та олоххо киирэр.

Бу мантан ыла, улуустар, нэһилиэктэр сэргээн, көхтөөхтүк кыттан барбыттара.  Өрөспүүбүлүкэ бүддьүөтүттэн уопсайа сыл аайы 500 мөл. солк. көрүллэр буолбута.

Кэлиҥҥи  5 сыл иһигэр уопсайа 1588 бырайыагы олохтоох нэһилиэнньэ бэйэтэ туруорсан, субсидия ылан олоххо киллэрдэ.

Бастакы сылларга нэһилиэктэр чөл олоххо сыһыаннаах бырайыактары талаллара. Ол иһинэр  спортивнай, оҕолор  оонньуур былаһааккаларын тутууну.

Быйыл куонкурс тэрийиитигэр уларыйыылар киирдилэр. Ил Дархан дьашалынан «Төрөөбүт дойдубут, нэһилиэкпит, куораппыт» диэн өрөспүүбүлүкэтээҕи бырагыраама нөҥүө үлэлэһэбит.

Куонкурус пандемиянан сибээстээн интэриниэт нөҥүө тэриллибитэ. Улуустарга бырайыактары талыы социальнай ситимнэр нөҥүө ааспыттара. 38 тыьыынча киһи  онлайн-мунньахтарга, бырайыактары талыыга кыттыыны ылбыттара. Ол бырайыактары талыы түмүгүнэн «Уон клик Якутия» платформаҕа 458 боротокуол толоруллан киирбитэ, 1974 бырайыак көрүллүбүтэ.

Уопсайа куонкуруска 480 сайаапка киирдэ. Биир бырайыакка нэһилиэктэргэ, улуустарга көрүллэр субсидия суумата – 1,5 мөл. солк. буолар. Онтон куораттарга 3 мөл. солкуобай.

Сайаапкалары хайысхаларынан арааран көрдөххө,  330 сайаапка кыайыылааҕынан биллэриллиннэ.

 

edersaas.ru

0
0
Telegram Whatsapp