Олохтоох бүддьүөттэргэ норуот дружиналарын тэрийиигэ субсидия көрүөхтэрэ
Норуот дружиналарын тэрийиигэ субсидия биэриэхтэрэ. Хайдах кыттыахха?
СӨ Ыччат дьыалаларыгар уонна социальнай коммуникацияларга министиэристибэтэ норуот дружиналарын үлэлэрин тэрийиигэ олохтоох бүддьүөттэргэ өрөспүүбүлүкэ судаарыстыбаннай бүддьүөтүттэн субсидиялары биэриигэ уонна үллэриигэ куонкурус ыытарын туһунан иһитиннэрэр.
Субсидия олохтоох бүддьүөттэр муниципальнай тэриллиилэр сирдэригэр-уоттарыгар норуот дружиналарын тэрийиигэ олохтоох бүддьүөт ороскуоттарын кыттыгас үбүлүүр сыалтан бэриллэр. Субсидия материальнай көҕүлээһиҥҥэ, анал форманы, дастабырыанньаны, символиканы уонна анал сириэстибэлэри атыылаһыыга туһаныллыан сөп.
Куонкуруска куораттааҕы уонна тыа сирин поселениелара, куорат уокуруктара кытталлар.
Сайаапкалары 2021 сыл тохсунньу 25 күнүттэн олунньу 8 күнүгэр диэри маннык аадырыска ылаллар: Дьокуускай куорат, Ленин проспега, 30, 412 кэбиниэт (үлэ кэмэ 09.00-тан 18.00 диэри).
Маны сэргэ сайаапканы буостанан эбэтэр электроннай көрүҥүнэн ЕСЭД тиһигин нөҥүө ыытыаххытын сөп.
Куонкуруска кыттыы сайаапкаларын ыйыталаһыҥ: 7 (4112) 507-129.
Куонкурус туһунан сиһилии Ыччат дьыалаларыгар уонна социальнай коммуникацияларга министиэристибэ саайтыгар “Профилактика правонарушений” салаатыгар билсиҥ: https://minmol.sakha.gov.ru/
СӨ Ил Дархан уонна Бырабыыталыстыба пресс-сулууспата
Бэлэмнээтэ Женни Стрюкова
Хаартыска: тустаах саайтан