Олохтоох аһы-үөлү оҥорон таһаарыыны дэлэтиигэ болҕомто улаатар.
Ол курдук, Хаҥалас улууһугар Тойон Арыыга «Хаҥалас Ас» ТХПК арыы сыаҕын саҥа дьиэтэ үлэҕэ киирдэ. Олохтоох аһы-үөлү дэлэтэргэ манна киэҥ былааннаах үлэ ыытыллар. Манна үүтү астыырга-үөллүүргэ саҥа тэрил ылыллыбыт. Бу туһунан Хаҥалас улууһуттан иһитиннэрэллэр.
Арыы сыаҕа түөрт бааһынай хаһаайыстыбаны кытары үлэлэһэр. Биир хонукка, ол эбэтэр биир симиэнэҕэ сыахха 1000 киилэ үүтү астыыр кыахтаахтар. Эбийиэк I Малдьаҕар нэһилиэгин дьаһалтатын уонна «Хаҥалас Ас» ТХПК өйөбүллэринэн тутуллубут. Манна даҕатан эттэххэ, өссө 2002 сыллаахха бэйэтин кылаатын Алиш Забид Оглы Мамедов киллэрбитэ бэлиэтэнэр. Кини бастакынан арыы сыаҕын тутар туһунан этиини өйөөбүт уонна дьиэни-уоту тутарга матырыйаалы булан биэрэргэ көмөлөспүт. Эбийиэги тутуу уонна сыаҕы тэрилинэн хааччыйыы кооператив күүһүнэн ситиһилиннэ диэн этиллэр.
+1
+1
+1
+1
+1
+1
+1