«Саха» НКИХ айар үлэһиттэрин өссө биир үлэтэ «Страна» национальнай бириэмийэнэн наҕараадаланна.
edersaas.ru
Ол курдук, кылгас кээмэйдээх «Олох оһуордара» уус-уран киинэ 700 үлэттэн талыллан, кыайыылааҕынан таҕыста!
Куонкурус икки түһүмэҕинэн ыытыллыбыт. Иккис этаапка ааспыт үлэлэри ааттаах-суоллаах киинэ диэйэтэллэрэ, суруналыыстар уонна мусукааннар көрбүттэр.
«Олох оһуордара» киинэ ис хоһооно — саастарын ситэ илик оҕолор өрөспүүбүлүкэтээҕи реабилитационнай кииннэрин иитиллээччитэ кыыс олоҕуттан ылыллыбыт дьиҥнээх олоххо буолбут түбэлтэ. 10 саастаах кыысчаан олох очурдарын көрсүүтэ, олоҕу сыаналыырга үөрэниитэ, бэйэтин чугас дьонун истиҥник сыаналааһына арыллар. Сүрүн оруолу Сунтаар улууһун олохтооҕо Мичийэ Чыбыкова толордо. Киинэ режиссера — Татьяна Егорова. Реабилитационнай киин стационарнай отделениетын сэбиэдиссэйэ «Страна» национальнай бириэмийэни кинорежиссёр, сценарист уонна кинопродюсер Егор Кончаловскай илиититтэн тутта.
Атын оруолларга киин дириэктэрэ Мария Сергеева өйөбүлүнэн онно үлэлиир исписэлиистэр оонньоотулар. Киинэ ааптара — дириэктэри солбуйааччы Айталина Васильева.
Елена ПОТОЦКАЯ, «Cаха сирэ» хаһыат, edersaas.ru