Олоҥхо ыһыаҕар санитарнай ирдэбил булгуччу тутуһуллуо

Ааптар: 
Бөлөххө киир:

СӨ Роспотребнадзор управлениета иһитиннэрбитинэн,  кэнники хонукка өрөспүүбүлүкэҕэ 93 киһи коронавирустаабыт.

Бу туһунан бүгүн, бэс ыйын 24 күнүгэр, брифиҥҥэ СӨ Бырабыыталыстыба бэрэссэдээтэлин солбуйааччы Ольга Балабкина иһитиннэрдэ.
Дьокуускайга 54 киһи ыалдьыбыта бэлиэтэммит. Бүлүүгэ, Мииринэйгэ — алталыы, Мэҥэ Хаҥалас, Нерюнгри, Алдан оройуоннарыгар — түөртүү, Уус Алдаҥҥа, Эбээн Бытантайга — үстүү, Аммаҕа, Сунтаарга, Хаҥаласка, Чурапчыга — иккилии, Намҥа биир киһи ыалдьыбыт.
Өрөспүүбүлүкэ лабораторияларыгар биир хонук иһигэр 2764 тест чинчийиллибит. Пандемия саҕаланыаҕыттан 1 172 711 анаалыһы бэрэбиэркэлээбиттэр.
Бэс ыйын 24 күнүнээҕи туругунан 214117 доза вакцина аҕалыллыбыт. Бастакы быһыыны 195268 киһи ылбыт, иккистэрин 161469 киһи.
Ольга Балабкина санитарнай-эпидемиологическай балаһыанньанан үрдүк бэлэмнээх буолуу эрэсиимин уһатар туһунан СӨ Ил Дарханын ыйааҕа бэлэмнэниллэрин эттэ.
Вице-премьер Олоҥхо ыһыаҕар Роспотребнадзор управлениета уонна тэрийэр кэмитиэт бигэргэппит санитарнай быраабылалара булгуччу тутуһуллалларын бэлиэтээтэ.  Вакцина ылбатах дьон тэрээһиҥҥэ киирбэттэрин иһитиннэрдэ.

Андрей Сорокин (СИА) хаартыскаҕа түһэриилэрэ

+1
0
+1
0
+1
0
+1
0
+1
0
+1
0
+1
0