Быйылгы Үөһээ Бүлүүгэ ыытыллар Олоҥхо ыһыаҕар Дьокуускай куораттан «Сэргэлээх» ас-үөл кэмбинээтэ 13 эбийиэги хабан үлэлиир.
Тэрилтэ бу күннэргэ үлэтин туһунан кэмбинээт дириэктэрин солбуйааччы Сардаана Романова маннык билиһиннэрдэ:
— Бу саас ыһыах ыалдьыттарын аһатарга талыллан, «Сэргэлээх» ас кэбинээтиттэн бэс ыйын 17 күнүгэр 25 киһи үлэлэлии кэлбиппит. Олохтоохтортон улуустааҕы үөрэх управлениета 189 киһини көмөҕө биэрбитэ. Онон оҕо уһуйааннарын, оскуолалар асчыттара уонна биһиги пуобардарбыт барыта 13 эбийиэгинэн Олоҥхо ыһыаҕын кыттааччыларын аһатар аһы бэлэмниибит. Аспытын үксүн куораттан аҕалбыппыт. Ууну, эти, арыыны олохтоох урбаанньыттары кытта эрдэттэн дуогабардаһан ылбыппыт.
Олоҥхо ыһыаҕын кэмигэр Үөһээ Бүлүүтээҕи Д.С.Спиридонов аатынан 4 №-дээх оскуола остолобуойугар 22 киһи 300 киһини аһатар. Бүгүҥҥү күҥҥэ толуонунан 200-тэн тахса киһи аһыы сылдьар. Уопсайа кэмбинээт үлэһиттэрэ ылыммыт былааммытынан испииһэккэ киирбит 1000 киһини аһатыахтаахтар. Уоннааҕылары бу дьон аһаан бүппүттэрин эрэ кэннэ бэйэлэрин харчыларыгар аһатабыт. Эрдэттэн тэрээһиннээх улуустар бэйэлэрин дьоннорун испииһэктэрин биэрэн, кыттааччыларын аһатарга дуогабар түһэрсэн, босхо аһатары хааччыйбыттара. «Сэргэлээх» ас-үөл кэмбинээтин үлэһиттэрэ бүгүҥҥү күҥҥэ үс көрүҥ менюну оҥорон үлэлииллэр (үстэ эбэтэр иккитэ аһаталлар, «сухой паек» бэлэмнээн биэрэллэр).
Ыһыах ыалдьыттара остолобуойга анал эрэсииминэн сылаас, минньигэс аһынан күҥҥэ үстэ тото-хана аһыыллар.
Салгыы видео-устууна көрүҥ.
Үөһээ Бүлүүттэн Елена ПОТОЦКАЯ, «Саха сирэ» хаһыат.